LEVI 26:34 - AMÜSÜH HÜM CL Bible (BSI)

³⁴ Nüsabo nüsa riri lomi ching lachoki alo zhikrangkhündo thsümünima lakhi khiungde alonü amunibo leangkhibah; tüsho alonü sühakhimbah tüsho amuni asühde leangkhibah.

LEVI 26:34 Iomraidhean Croise

1 KIULONG THSÜRÜ 8:46

“Arünü nü azhihde neak yihbeaksho–tümüde neak müyihbeakrü sheshe müla–tüsho arü kheak nü bukakhiukde thiriri kilim jihba, junangde arübo aramrü thsüde thiriri lomi ching limshu yungsho aphüni ching hande tsosho;

2 KIUTHSÜYUKHEAN 36:21

Alonü amuni sühakhimkhibo asühachih; Jeremia hode Atungpuh yubo dünjipü thsungkheaknü kam nerü mübanyi khiungde zhikrangkhündo alakhi kim alala ching sühakhim.

JEREMIA 34:17

Jumonü Atungpuhnü ha thachoh: Nüsanü nüsa yamhingrü tüsho müyamrübo müdükhekhi hode I yu manide kamdo; inü nüsa kilim dükhepü lah, Atungpuhnü thachoh–nukshang, arüm-tukthsü tüsho khümzung dükhebah. Inü nüsa lomi kiulongthsü alala ki atrebe kamshihbah.

LEVI 25:10

Tüsho nüsanü kam thünimpü ju müsühkhitbah tüsho lomi ching larübo alala ki zuzu kamkhi zhiyukjihbah. Ha nüsa thsungkheaknü Jubilee labah; tüsho nüsa mihbüm abannü nihbuh lakhitkukrukbo, tüsho nüsa mihbüm abannü nihbuh yamkhün kilim alode arübah.

LEVI 26:35

Ju thsümünima yapkhi khiungde sühakhimbah, ha sühakhim ju nüsa ju ching lachoki amunibo ching nüsanü müngükhukkhi sühakhim labah.

LEVI 26:43

Tüshe arünü alo ju akeangkeang lashihbah, tüsho arübo mülade zhikrangkhündo alachoki amunibo asühde amungbah; arübonü nihbuh neak dün thsüphulobah, tümütüsho arübonü I yakzan tüsho thiyukhümbo bahyuk.