LEVI 26:32 - AMÜSÜH HÜM CL Bible (BSI)

³² Inü nüsa yingyingbe khungshihbah, tüsho ju ching lapü arürü nüsa riribonü ju ngübah müyinsahbah.

LEVI 26:32 Iomraidhean Croise

1 KIULONG THSÜRÜ 9:8

Ha yam ha athsümünimkhibo mujung kambah; ha horü abannü amüyinsahbah, tüsho ish dübah; tüsho arünü athabah, ‘ Tümüde Atungpuhnü ha lomi tüsho ha yam kheak hadürü rhimokhea?’

ISAIA 24:1

Kheakü Atungpuhnü alomi akeangkeang lashihbah tüsho abahkhitshihbah, tüsho ami rhophülapbah tüsho ju ching larü hiumüzütbah.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

ISAIA 5:9

Wuto Atungpuhnü inü sode thiyuchihchim: Tsükjide thüyam ahihdo zhikabahbah; thüyam atoto tüsho akheahakham mihtsürü mülade akambah.

ISAIA 6:11

Judüki inü tha, “ Külokhüh, O Atungpuh ?” Tüsho apinü tha, “ Kiutobo she mülade thsümünima lakhi tüsho thüyambo mihtsürü mülade, lomi shahde azhikkhi khiungde;

ISAIA 64:10

Nü amüsüh kiutobo sunglo kamdo, Zion ju sunglo kamdo, Jirusalem zhikrangkhündo lah.

JEREMIA 12:11

Arünü ju abahkhi lo kamshih; azhikmonü, I mitripchoh. Alomi alala loshelo kamdo tüshe shenü müküm.

JEREMIA 18:16

arü lomi atrebe kamshihde, lünnü ish thsüpü lah. Ha ki horü alala trechoh tüsho arü kubo lukchoh.

JEREMIA 19:8

Tüsho inü ha kiuto atrebe, ish thsübe khülang kamshihbah; ha chingnü ahorü abannü ha thsümütsü dünkheaknü atrebah tüsho ish thsübah.

JEREMIA 25:11

Ha lomi abümnü thsümünimbah tüsho akeangkeang kambah, tüsho harü trükshihbonü kam nerü Babilon kiulongthsüpuh tankihbah.

JEREMIA 25:18

Jirusalem tüsho Juda kiutobo, kiulongthsürübo tüsho atorübo, arübo zhikrangkhündo thsümünimshihpü, arübo khihni lakhi nangde ish thsüpü tüsho muthrumüneanpü;

JEREMIA 25:38

Kekhüzü nangde apinü lapung bahbah tsodo; tümütüsho bukmüke nukshang tüsho api bukmükede akhiukkhinü arü lomi thsümünima lah.

JEREMIA 33:10

Atungpuhnü ha thachoh: Ha dangpung ching küpü nüsanü thacho, “Ha mihtsürü yungsho shiwüh mülade abahkhi lah,” Juda kiutobo ching tüsho azhikkhi Jirusalem kiudunglimrobo ching, mihtsürü yungsho shiwüh mülakhi ching khülang ki solobah,

JEREMIA 44:2

Wuto Atungpuh , Israel Thrünpuhnü ha thachoh: Inü Jirusalem tüsho Juda kiutobo alala kheak handarükhi thsümütsü alala nüsanü ngüdo. Jurübo kheak kheahang; ha nimung jurübo mihtsürü mülade zhikrangkhündo lah,

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

TÜZHOKHI 4:12

Alomi kiulongthsürübonü yungsho alomiküp ching larü shenü she Jirusalem chipiripitbo ching thiriri yüzahkhukbah de mükin.

TÜZHOKHI 5:18

Zion müzüng zhikrangkhündo alakhinü shirungbonü ju kheak apheanchoh.

EZEKIEL 5:15

Küyimki I bukakhiukde tüsho mulong zhipzhipde nü thsümüchibanü, nü mühi lakhi trükshih alalanü atrebah. Arünü nü kheak thraneande luhmünebah.

DANIEL 9:18

O I Thrünpuh, nü nükhün muphoang tüsho aniang; nü mükbo khimshuhang tüsho isa thsümünimkhi tüsho nü mung tamde ajikhi kiuto kheahang, tümüde isa thiyuro-lungki dünkheaknü isanü nü miki mushukhi yung, tüshe nü mihmüthsüm ato dünkheaknü ah.

DANIEL 9:2

Api kiulongthsü atan kam ching, I Danielnü Atungpuhnü wukihrü Jeremia ki thakhi nangde, kam nerü Jirusalem thsümünimpü dünkheak amüsüh hümbo khede tüsho lümakheahde alakheah.

HABAKKUK 3:17

Khubasodung mupungpung she, tüsho kurungasodungbo kheak aso mükihkih she; olivnü masoso she tüsho thulubonü jim makhiukkhiuk she; mihnu yam chingnü mihnu boto mülade kamkam she, tüsho moshi yam chingnü moshi boto mülade kamkam she,

LUKNÜ ATHRÜTKHI THIYUSHEAK-ATSÜ HUHTANYU 21:20

“Tüshe küyimki Jirusalem ju bonungrünü zündoa nüsanü angübanü athsümünim thünindo de mükheahang.

YUZÜNGTHALO 28:37

Atungpuhnü nüsa hiumüzüta yüshihkhi trükshih bolung ching nüsa mihtrebe, mükhemürangkhi tüsho münedung kambah.