LEVI 26:31 - AMÜSÜH HÜM CL Bible (BSI)

³¹ Inü nüsa kiutobo akeangkeang kamshihbah tüsho amüsüh dangpungbo zhikabahshihbah, tüsho nüsanü arhümthüneabe kingaünkhi mümünimjih.

LEVI 26:31 Iomraidhean Croise

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

2 KIULONG THSÜRÜ 22:19

tümütüsho arübo zhikrangkhündo akampü tüsho muthrumüneanpü ha dangpung tüsho mihtsürübo azhihde inü athachoki nünü sobah nü mulong azhihayihde nünü Thrünpuh miki mushu, tüsho nünü nü khimmih thorüp, tüsho I miki trip, inü she nü ki sojihdo, Atungpuhnü thachoh.

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

NEHEMIA 1:3

Tüsho arünü I ki tha, “Lomi ching rhangdung larü ramtso chingnü alunglorübo thsümütsü ato ching lah tümüde arü hingrü khiungkerünü arü junode lah; Jirusalem chipi she kheakü khiungde keama yaplah, tüsho chipimurungbo she monü takabahdo.”

NEHEMIA 2:17

Tüshe inü arü ki tha, “ Kheahang isa küdükhüh thsünükhi ching la, tümüde Jirusalem thsümünima lah tüsho chipiripitbo monü taka lah! Arang, isanü Jirusalem chipi thsüloanü, ju hode isa kheak mihmüthsüm mülakhi arün thsüshihanü.”

NEHEMIA 2:3

tüsho alo, “ Kiulongthsüpuh, kutsüpde laang! Isa jipürü kiuyuka bahpung kiuto thsümünima tüsho chipiripitbo monü takabah-a lachoki tümüde I mulong mutukthsüpü?”

ISAIA 1:7

Nüsa lomi zhikrangkhündo lah, nüsa kiutobo monü taka lah; nüsa mikinü khiungkerünü nüsa lo thsümünimdo; khiungkerünü lahyuka bahkhinü zhikrangkhündo lah.

ISAIA 6:11

Judüki inü tha, “ Külokhüh, O Atungpuh ?” Tüsho apinü tha, “ Kiutobo she mülade thsümünima lakhi tüsho thüyambo mihtsürü mülade, lomi shahde azhikkhi khiungde;

ISAIA 63:18

Nü yo amüsüh mihtsürübonü anikhühkheak thsungkheak lakhitkukruk ludo; tüshe kheakü isa azhihrübonü nü arüngyam jungkheamdo.

ISAIA 64:9

Müshakde bukdakhiuk, O Atungpuh , tüsho lünnü amülim dülümkhit. Kheakü lümakheahang, isa alala nü mihtsürü.

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

JEREMIA 22:5

Tüshe nüsanü ha yubo manisho, I Atungpuhnü thiyuchihchimde thachoh, ha yam zhikrangkhündo akambah.

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 26:9

Tümüde nünü Atungpuh mung chingnü, ‘ Ha yam Shilo ruk kambah, tüsho ha kiuto mihtsürü mülade zhikrangkhündo alabah’ de müchitcho?” Tüsho mihtsürü alalanü Atungpuh yam ching Jeremia mükamde mukhung.

JEREMIA 4:26

Inü kheah, tüsho kheahang, Atungpuh bukakhiukkhinü amüdang lo ju loshelo kamabah tüsho kiuto alala thsümünimabah.

JEREMIA 4:27

Tümüde Atungpuhnü ha thachoh: Lomi abümnü zhikrangkhündo alabah; tütüshe inü akheam tsütsü mükamshih.

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 44:2

Wuto Atungpuh , Israel Thrünpuhnü ha thachoh: Inü Jirusalem tüsho Juda kiutobo alala kheak handarükhi thsümütsü alala nüsanü ngüdo. Jurübo kheak kheahang; ha nimung jurübo mihtsürü mülade zhikrangkhündo lah,

JEREMIA 44:6

Jumonü Juda kiutobo tüsho Jirusalem kiudunglimrobo ching I bukakhiukkhi dungkih tüsho trushih; tüsho jurübo athsümünim tüsho zhikrangkhündo kamabah, jurübo khihni khiungde lah.

JEREMIA 52:13

Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

TÜZHOKHI 1:1

Khülang ki mihtsürünü mia lakhi kiuto küdükhüh zhikrangkhündo yapla! Künangde anihbe khimoberü nangde kama la, trükshih bolung anihbe ato lakheah! Anihbe lomi bolung ching kiulongthsürü lakhi azhorü kamdo.

TÜZHOKHI 1:10

Thiriribonü shoto kukrukbo alala kurungkheak arü khahbo shuhkihdo; nünü nü borü lung yüzahpü mümülükhi trükshihbonü arüngyam ching yüzahkhi she anihbenü ngüdo.

TÜZHOKHI 2:6

Apinü api yünshim ju awündo nangde luka bahdo, apinü anihbuh mukhungyam thsümünimdo; Atungpuhnü Zion ching thünio tüsho amuni mihabahdo, tüsho abukakhiukkhi ching kiulongthsürü tüsho amükeamrü bahyukdo.

TÜZHOKHI 2:7

Atungpuhnü api kingaün sadam tüsho api arüngyam bahyukdo; apinü kiulongthsürü-yam chipibo thiriri khah ching jihdo; thünio nimung nangde Atungpuh yam ching düsheak khülang zhikihdo.

EZEKIEL 12:20

Mihtsürü lakhi kiutobo thsümünima yapbah tüsho lomi zhikrangkhündo alabah. Judüki I Atungpuh de arünü mükheahbah.

EZEKIEL 21:15

Junangde mulong niuthünakbah tüsho akeamkhi hihbah, inü alaksahpü thsungkheak arü chipiripitbo alala kheak nukshang hanmukhungdo. O! Ha chinchobe nangde phürappü thsülah, alaksahpü ha thrüa ludo.

EZEKIEL 21:7

Tüsho küyimki arünü nü ki, “Tümüde nü ashecho le?” de keokhisho, nünü athabah, “Thiyusheak arükhi dünkheak. Mihbüm aban mulong niuthünakbah tüsho khah kikbah; me keahkhibah tüsho mukhuk niukbah. Ha arüchoh! Ha tsükjide adünjibah,” Wuto Atungpuhnü thachoh.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

EZEKIEL 6:6

Nü kürü ching labanü, kiutobo thsümünima yapbah tüsho achang dangpungbo thsümünimbah, junangde nü yo kingaün sadambo thsümünima yapbah, nü sangthsübo kingnakbah tüsho thsümünimbah, rhümthünea kingaün sadam kingkheambah, tüsho nü rhimobo dükheakbah.

EZEKIEL 9:6

Ashinbuhrü mihtsürü, athrününgtsüng tüsho anünürü, azoberü tüsho azürü laksahang, tüshe amütsan kihrü sheshe düqiu. I arüngyam kinü tankihang.” Jumonü arünü arüngyam miki larü azothsürü kheaknü tankih.

DANIEL 2:46

Judüki kiulongthsüpuh Nebukednezarnü Daniel miki khukning tüsho api ki wüntre jih tüsho arünü anihbuh kilim kingaünbo tüsho rhümthüneabe jihshihpü thiyukhüm jih.

AMOS 7:9

Isak achang dangpungbo zhikabahshihbah, tüsho Israel arüngakopungbo thsümünima yapshihbah, tüsho inü Jeroboam yamkhün azhihde nukshang shuhkihbah.”

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

ZEPHANIA 3:6

Inü trükshihbo phüta bahdo; arü chipibo athsümünim ching lah; inü arü kiudunglimrobo thsümünima lashihlah, junangde shenü jurü ching mütsahho; arü kiutobo ching mihtsürü mülade zhikabahshihdo.

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

YUNIRÜBO RHIMO 6:14

tümüde Nazarethrü Jisu hanü arüngyam lukbah tüsho Mosa kilimnü arükhi yakli alala müthribah de athakhi isanü sodo.”

IBRI 10:26

Thiyuro mükheahmudu leangkhi dunglim isanü khekhungde neak yihbeakde lasho neak dünkheak shuhmülanga jihpü aninga müla,