LEVI 26:30 - AMÜSÜH HÜM CL Bible (BSI)

³⁰ Achang dangpungbo kheak lakhi nüsa kingaün sadambo inü thsümünimjihbah, arhümthüneabe kingaün sadambo keamshihbah, tüsho nüsa ashemibo rhangdung mülakhi nüsa sangthsübo kheak jipkih-a bahbah; tüsho I menü nüsa thraneanbah.

LEVI 26:30 Iomraidhean Croise

THRÜNTAN 19:13

Tümüde isanü ha dangpung dükheakshihbah, tümütüsho arü azhihde azhikhi Atungpuh miki tode kamdo, tüsho Atungpuhnü ju dükheakshihpü ike arüshihkheah.”

1 KIULONG THSÜRÜ 13:2

tüsho Atungpuh yu hode kingaün sadam azhihde zhiyuk, tüsho tha, “O kingaün sadam, kingaün sadam, Atungpuhnü ha thachoh; ‘ Tsührü khülang David guk ching zübebah, amung Josia; tüsho apinü nü kheak rhümthüneabe jihrübo awung achangbo amükeamrübo nü kheak laksah-a kingaünbah, tüsho mihtsürü robo nü kheaknü atakbah.’”

1 KIULONG THSÜRÜ 13:32

Tümüde apinü A TUN GPU H yu hode Bethel ching kingaün sadam tüsho Samaria kiuto ching achang dangpungbo kheak lakhi thüyambo azhihde azhiyukkhi yusheak tsükjide adünjibah.”

2 KIULONG THSÜRÜ 23:16

Josia rholochoki apinü awung kheak kiuyukbo lakhi ngü; apinü yüshih tüsho kiuyukbo chingnü robo yihkhit, tüsho jurübo kingaün sadam kheak tak, tüsho amuni Jeroboam kingaün sadam ki zhipchoki, Thrünpuh mihtsürünü azhiyukkhi Atungpuh yu yande ju müneanshih; apinü rholo tüsho harü müchitbuh Thrünpuh mihtsürü kiuyuk lim abinkhih-a kheah.

2 KIULONG THSÜRÜ 23:20

Apinü ju ching larü achang dangpung amükeamrü alala kingaün sadam kheaknü laksah, tüsho arü kheak mihtsürü robo tak. Jushu api Jirusalem lim alode yü.

2 KIULONG THSÜRÜ 23:8

Apinü Juda kiutobo chingnü amükeamrü alala bekhit, tüsho Geba kheaknü Beersheba khiungde amükeamrübonü kingaün jihpung achang dangpungbo alala thsümünim; apinü kiuto ripit huzulim lakhi kiuto kovünor Jihusua ripit limro achang dangpungbo lukabah.

2 KIUTHSÜYUKHEAN 23:17

Jushu mihtsürü alala Baal arüngyam ching yü, tüsho ju thokheam; api kingaün sadambo le api sangthsübo arünü adütre kamde yihthünak, tüsho arünü Baal yo amükeambuh Mattan, kingaün sadambo mikinü laksah.

2 KIUTHSÜYUKHEAN 31:1

Kheakü küyimki ha alala bankhea, bede alarü Israel alala Juda kiutobo ching wukhiuk tüsho dungjingbo yihshak, Ashera sangthsübo kiukheam, tüsho arünü alala müthsümünimyi khiungde Juda tüsho Benjamin, Ephraim tüsho Manase alala ching achang dangpungbo thokheam. Jushu Israel mihtsürü alala arü kiutobo, arü nihbuh yamalo kukruk lim rholo.

MUNGSHIKHÜN 106:40

Jumonü api mihtsürü azhihde Atungpuh bukakhiukde kam, junangde apinü nihbuh yamrüplurüp thranean.

MUNGSHIKHÜN 89:38

Tüshe nünü bahyukdo tüsho thraneando, nünü mujude-mokhitkhi kheak nü bukakhiukdo.

ISAIA 27:9

Jumonü hanü Jakob amülim dün shaklobah tüsho ha api neak yihkhita bahkhi sangaso labah: Küyimki apinü lung kingaün sadambo alala athrütbe-lung nangde adütre kamde züthünakbanü, Ashera sangthsü yungsho rhümthüneabe kingaün sadambo tümü aninga müzhip.

JEREMIA 14:19

Nünü shahde Juda bahyukdo de? Nü mulongnü Zion thraneanabahdo de? Isa thsungkheak athsüngu mülapü thsüde tümüde nünü isa shika lungshihkhea? Isanü mungtsü thsungkheak kheahchoh, tüshe atsü müngü; athsüngupü kim kheahchoh tüshe ju müthri atrebe lah.

JEREMIA 16:18

Tüsho inü arü mülimkhi tüsho arü neak alü thsüde ajihlobah, tümütüsho arünü athraneanbe sangthsükhi ashemibonü I lomi müneanjihdo, tüsho athraneanbebonü I yamrüplurüp mishihdo.

EZEKIEL 16:39

Judüki inü nü muzhorü khah ching nü jihbah, tüsho arünü nü müzammürampung tüsho sangthsü kingaünpungbo alala thsümünimbah. Arünü nü khimmih züngkhia lubah tüsho atsüdak shoto zülu lubah nü bünkeang tüsho aleangkheak zojihbah.

EZEKIEL 43:7

Apinü I ki tha: Mihtsürü tsührü, ha I Israel bolung lünnü alapü lakhi I kiulongthsü-binkiu zopung tüsho I jinglung dubopung. Israel yamkhünnü kheaküa arünü yungsho arü kiulongthsürübonü, arü yüliyürakhinü, tüsho arü kiulongthsürübo shechoki asheminü I mung amüsüh mümüneanjih.

EZEKIEL 6:13

Tüsho awung achang aban tüsho müzüng mujukbo kheak, sangdung düthreang tüsho thülamsang yüniuniu aban khüp arünü arü sangthsübo alala kilim rhümthüneabe jihkhi dangpungbo ching arü laksah-a yapchoki I Thrünpuh ah de arünü mükheahbah.

HOSEA 10:2

Arü mulong amülim lah; kheakü arünü mülimkhi hanbeah. Atungpuhnü arü kingaün sadambo lukkheambah, tüsho arü dungjingbo thsümünimbah.

LEVI 20:23

Inü nüsa müngüh yankhita bahpü lakhi trükbonü arhimokhi düyan. Tümüde arübonü harü amütsübo rhimodo, jumonü inü arü thraneanabah.

LEVI 26:11

Inü I lapung nüsa bolung zobah, tüsho inü nüsa mübahyuk.

LEVI 26:15

tüsho I yakzan thsükhibo manisho tüsho I yuzüngbo manisho yungsho I yukhümbo alala müleangkhide tangzüngkhi thsümünimsho,

AMOS 6:8

Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.

AMOS 7:9

Isak achang dangpungbo zhikabahshihbah, tüsho Israel arüngakopungbo thsümünima yapshihbah, tüsho inü Jeroboam yamkhün azhihde nukshang shuhkihbah.”

YUZÜNGTHALO 32:19

Atungpuhnü ju ngübahle arü bahyuk, tümüde atsührü tüsho tsührübebonü abukakhiukshih.