LEVI 26:26 - AMÜSÜH HÜM CL Bible (BSI)

²⁶ Küyimki inü nüsa tsühyungpü zhimzhakshihbanü, aliberü thürünü yinchi kuk khülang ching yikhap dambah, tüsho arünü adünloa nüsa kipbah; ju nüsanü atsühbah, tüshe bukmüthsü.

LEVI 26:26 Iomraidhean Croise

2 KIULONG THSÜRÜ 6:25

Ayankhi hode Samaria ching khümzung arü, junangde donki ku ju shotoyinchi 8 tüsho guduru khih düpüt 200 mo shotoyinchi 5nü yin.

MUNGSHIKHÜN 105:16

Judüalalashe apinü lomi ching khümzung arüshih; tüsho arü tsühyungbe alala thsümünimjih.

ISAIA 3:1

Tümüde kheakü Wuto Atungpuhnü arü tsühyungbe ngüpung yikhap tüsho ke alala Jirusalem tüsho Juda chingnü hande tsochoh;

ISAIA 5:10

Tümüde kurungasolu lushih 10nü pungdüchi 8 lang akhiukbah tüsho müjih tramduhkhühnü keluhkhüh lang akhiukbah.

ISAIA 9:19

Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

ISAIA 9:20

Arünü tsülim aneam tüshe judü lang khümde alakheah, tüsho arünü huzulim aneam, tüshe bukmüthsü; arünü nihbuh tsührü shih she tsüh;

JEREMIA 14:12

Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

EZEKIEL 14:13

Mihtsürü tsührü, lominü thiyuro mülade I azhihde neak yihbeaksho tüsho ju azhihde tsühyungpü mülashihpü I khah chungkihsho tüsho khümzung yüshihsho tüsho mihtsürübo le shiwühbo laksahsho,

EZEKIEL 4:10

Nimung aban tsühpü tsühyungpü düpüt 230 adünang tüsho akhukhi kim ching tsühang.

EZEKIEL 4:16

Judüki apinü I ki tha: “Mihtsürü tsührü, Jirusalem ching tsühyungpü ngükhi inü tukloshihbah. Arünü adünarade tüsho trede yikhap tsühbah tüsho ke yungbah.

EZEKIEL 4:17

Jim tüsho ke musuhkhinü arü khülangnü khülang kheahachihbah müyinsahbah tüsho arü neak hode tümü mülade akambah.”

EZEKIEL 5:16

Küyimki inü nü kheak ashebe tüsho khümzung hühzobonü akipbanü, inü nü thsümünimpü kipbah. Inü nü kheak khümzung alü alü handarübah tüsho nü tsühyungpü ngüpung yihdojihbah.

HOSEA 4:10

Arünü atsühbah, tüshe reangmükeam; arünü müzammüram ahoribah, tüshe wüh mubu; tümütüsho arünü Atungpuh yu anipü arün thsüdo.

LEVI 26:27

Hade athsüshu she nüsanü I azhihde mükthsüsho,

MIKA 6:14

Nünü atsühbah, tüshe reangmükeam, nü buk kheaküshe akeangkeang labah. Nünü zomukhungbah tüshe tümü she muzokhit, tümütüsho nünü tümü zokhita lanü inü thirithsü ching thsümünimbah.

HAGGAI 1:6

Nüsanü hihde mükheando, tüshe nükde yimludo; nüsanü tsühchoh, tüshe küyimkishe nüsa bukmüthsü; nüsanü yungchoh, tüshe küyimkishe nüsa kethürimüri; nüsanü khim phuyuchoh, tüshe sheshe mülamlam, tüsho nüsanü mulomüthsükhi ju akhün bitkhi qiuqiu ching yukpü mulomüthsüchoh.