LEVI 26:25 - AMÜSÜH HÜM CL Bible (BSI)

²⁵ Nüsanü I kheak tangzüngkhi thsümünimkhi royimlopü inü nüsa kheak nukshang handarübah, tüsho nüsanü nüsa kiutobo ching yüsho, inü nüsa bolung arüm arüshihbah, tüsho nüsa riribo khah ching yüzahshihbah.

LEVI 26:25 Iomraidhean Croise

2 SAMUEL 24:15

Jumonü Atungpuhnü ju yapsunü akhukhi kim khiungde Israelrü kheak arüm yüshih; tüsho mihtsürü 70,000 Dan chingnü Beersheba khiungde sheabah.

1 KIULONG THSÜRÜ 8:33

“Küyimki nü mihtsürü Israelnü, nü azhihde neak yihbeakkhi hode thiriri mukukba tüshe nü kilim alode anguhbah nü mung ching neak alokhide, ha yam ching nü ki tamkhüntamnü tüsho zhoshesho,

1 KIULONG THSÜRÜ 8:37

“Lomi ching khümzung, arüm, apung-tukthsü, mokri, tangkho, yungsho lungbün lasho; arü ririnü arü kiuto khürü ching lang she yansho; ju ching tümüpürü arüm yungsho tukthsü lanü;

2 KIULONG THSÜRÜ 17:3

Asiria kiulongthsüpuh Shalmanesernü api azhihde atu; Hoshea api bukkhüp laabah, tüsho api kilim ruk jih.

2 KIUTHSÜYUKHEAN 24:24

Siria bonungrü nükde arürü she, Atungpuhnü arü khah ching bonungrü hihde jih, tümütüsho Judanü Atungpuh arü jipürü Thrünpuh bahyuk. Hanangde Joash kheak mahkhap.

MUNGSHIKHÜN 94:1

O Atungpuh , Thrünpuh shepünü royimcho, O Thrünpuh shepünü royimcho, tah-a yüshang.

ABEKHIT 5:3

Judüki anenü alo, “Ibrirü Thrünpuh isa miki akhiukdo; Atungpuh isa Thrünpuh ki kingaünpü thsüde sunglo ching nimung mahsam limtsah yüpü isa ki mülüjang, jude yungsho apinü isa tukthsü yungsho nukshangnü alaksahbah.”

ISAIA 1:20

tüshe nüsanü reanglosho tüsho azhihsho, nukshangnü nüsa muyubah; tümüde Atungpuh münnü asukdo.

ISAIA 65:12

inü nukshang kilim nüsa sangkhik thsüjihbah, tüsho nüsa alalanü alaksahpü ki mükhümbah; tümütüsho, küyimki inü ajikhea, nüsanü malo, küyimki inü asukkhea, nüsanü mani, tüshe I miki amütsü tümüanü nüsanü rhimodo, tüsho inü tümü masühnü mokhitdo.

JEREMIA 19:7

Tüsho ha dangpung ching inü Juda tüsho Jirusalem lümkhibo akeangkeang kamshihbah, tüsho arübo arü riri müngüh nukshang tüsho arü rhangdung yimrü khah hode akeamshihbah. Inü arü ashemibo thüning wuhnubo tüsho alomi shiwühbo kilim jim thsüpü jihbah.

JEREMIA 24:10

Tüshe inü nukshang, khümzung, tüsho arüm-tukthsü, inü arü tüsho arü jipürü kilim jihkhi lomi chingnü arübo shahde müdükheakshihyi khiungde arü kheak yüshihbah.

JEREMIA 50:28

Aniang! Babilon lomi chingnü tsotsahrümtsahrübo Atungpuh isa Thrünpuh royimkhi, api arüngyam royimkhi Zion ching zhiyukpü arüchoh.

JEREMIA 51:11

Hühzobo züang! Tsungbo thsakhamang! Atungpuhnü Midia kiulongthsürübo me thurumusudo, tümütüsho Babilon dünkheak api lümkhi ju athsümünimpü lah, tümüde ju Atungpuh royimkhi, api arüngyam royimkhi lah.

JEREMIA 9:16

Inü arübo arü yungsho arü jipürübonü mümükheahkhi trükshih bolung müzütshihbah; tüsho inü arü muyuamübahyi khiungde, nukshang khülang arü dunglim yüshihbah.

TÜZHOKHI 2:21

Athunu tüsho azorü kiudunglimrobo ching alo kheak yaplah; I yo athunu liberübo tüsho athunu athrürübo nukshangnü keamdo; nü bukakhiukkhi nimung ching nünü mihmüthsüm mülade arü laksahdo,

EZEKIEL 14:17

Yungsho ju lomi azhihde inü nukshang handarü tüsho thakhülaa, “ Nukshangnü lomi amuyung ching hode yüang,” tüsho inü mihtsürü tüsho arü shiwühbo laksahsho,

EZEKIEL 20:37

Inü nüsa I tso khüp hosihbah tüsho tangzüngkhi ching inü nüsa hanyukbah.

EZEKIEL 29:8

Jumonü Atungpuh Thrünpuhnü ha thachoh: Inü nü kheak nukshang khülang handarübah, tüsho mihtsürü le shiwüh bolungnü nü lipkhia bahbah;

EZEKIEL 33:2

O mihtsürü tsührü, nü mihtsürübo ki asukang tüsho arü ki thaang, Mürangkhüh inü lomi kheak thirithsü handarüsho tüsho lomi mihtsürünü arü bolung khülang arü aheangrü zosho;

EZEKIEL 5:17

Inü khümzung tüsho mütüm shiwühbo nü azhihde athiyibah, tüsho arünü nü tsührübo sheshihbah. Arüm tüsho thiyih bukkhinü nü hoshihbah tüsho nü azhihde nukshang handarübah, I Atungpuhnü asukdo.

EZEKIEL 6:3

tüsho thaang: O Israel müzüngbo, Wuto Atungpuhnü müzüngbo tüsho awungbo, alokhün asük tüsho jindükhünbo ki ha thachoh. Inü nukshang khülang nü azhihde handarüpü lah, tüsho nü yo achang dangpungbo inü thsümünimbah.

HOSEA 11:6

Nukshangbo arü kiutobo ching phürapbah, arü chipiripit rihbebo thsümünimbah tüsho arü lümkhi akheam thsüshihbah.

LEVI 26:6

Inü nüsa lo ching mungtsü lashihbah, tüsho nüsa zuh-a yapbah tüsho shenü nüsa mütreshih; inü lomi ching ahürhang shiwühbo yankhita bahbah, tüsho ju ching keochih mülade akambah.

AMOS 4:10

Inü Ijip kiphahde nüsa bolung arüm-tukthsü arüshih; inü nüsa athrününgtsüngbo nukshangnü laksah; inü nüsa khorabo hande tso; tüsho inü nüsa binkheampung shuhrhüm nüsa nupung khün ching wutushih; tütüshe nüsanü I kilim murholo, Atungpuhnü thachoh.

HABAKKUK 3:5

Api müngüh ashebe-tukthsü yü, tüsho adunglim arümnü yande yü.

WÜHKHE 14:12

Inü arü ashebe tukthsünü ashikbah tüsho arü yamrüplurüp mulushih, tüshe inü nü arü kheaknü trük ato tüsho amürangbe kamshihbah.”

WÜHKHE 16:49

Kheakü Kora lung sherü mükhede, arümnü ashekhi 14,700 lakheah.

WÜHKHE 31:3

Jumonü Mosanü mihtsürübo ki tha, “Nüsa khürü keochihpü thsungkheaknü tsungthsüh thsakhamang; tüsho arübo Atungpuh thsungkheaknü Midiarü kheak royimpü yüshang.

LUKNÜ ATHRÜTKHI THIYUSHEAK-ATSÜ HUHTANYU 21:11

Dangpung dangpung ching muliuyuk züngkhi ato tüsho khümzung le arümbo labah; tüsho thüning chingnü atrebe tüsho amütsan ato labah.

YUZÜNGTHALO 28:21

Nüsanü müküh-a lupü lakhi lo ching nüsa müsheyi khiungde Atungpuhnü nüsa kheak arüm tukthsü lashihbah.

YUZÜNGTHALO 32:25

Wungdo phulung ching nukshangnü alaksahbah, tüsho thüyam khiungshakbo ching atrebe labah, athrününgtsüng tüsho anünürü chido, niuhdukrü khungarü, kubuyukkhi mihtsürübo dükheakshihbah.

YUZÜNGTHALO 32:35

Royimpü tüsho ashaklopü I yo, akhukhi kim ching arü jing lihbah; tümüde arü thsümüchipü nimung thüninde lah, tüsho arü kiuyuk aphüni lah.

YUZÜNGTHALO 32:41

Küyimki inü I nukshang zhingzhingde azükhitba, tüsho I khahnü mahkhapkhi kheak ramloba; inü I riri kheak royimbah tüsho I thraneanrü kheak athrihlobah.

MAHKHAPRÜ 15:11

Judüki Juda mihtsürübo 3000 Etam lungkhün ching yüki, tüsho Samson ki tha, “Isa kurungkheak Filistiarünü yakzan shuhlah de nünü mümükheah de? Nünü isa kheak rhimokhi ha tümü a?” Tüsho apinü arü ki tha, “ Arünü I ki rhimokhi nangde, inü arü ki rhimokheah.”