LEVI 26:19 - AMÜSÜH HÜM CL Bible (BSI)

¹⁹ Inü nüsa kükheangkhi wu thsümünimjihbah; inü nüsa kumung lakhi thüning yinchi nangde akamshihbah tüsho nüsa bukkhüp lakhi alo ju müwayinchi nangde akamshihbah.

LEVI 26:19 Iomraidhean Croise

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

1 KIULONG THSÜRÜ 8:35

“Küyimki yinmi rihdoba tüsho arünü nü azhihde neak yihbeakmonü tsüng marübanü, tüsho arünü nü mung ching alokhide ha yam lim tamkhüntamnüba, tüsho nünü arü thsümüchikhi hode arü neak chingnü arholoba,

ISAIA 2:12

Tümüde kükheangküyangrü tüsho changde-alümrü, ashuhkihkhi tüsho achangkhi alala azhihde Wuto Atungpuh nimung khülang lah;

ISAIA 25:11

Ju bolung arü khah chungkihkih she, kephungrünü arü khah ayitkhi nangde, arü khah ayityit she arü kükheangkhi keamkhishihbah.

ISAIA 26:5

Tümüde apinü achang kheak larübo thokheamdo; adüküng kiuto apinü keamkhishih. Apinü alo kheak yapshih, asungthulung ching bahdo.

ISAIA 28:1

Ayokhe, Ephraim amüshangrü kükheangkhi kuthran, tüsho ha müretah akheahakham yiuhabahkhi sangbün, küpü amüdanglo dükhün ku kheak la, sherü yukhunü zhidoa la!

JEREMIA 13:9

Atungpuhnü ha thachoh: Hanangde inü Juda kükheangkhi tüsho Jirusalem tode kükheangkhi thsümünimbah.

JEREMIA 3:3

Jumonü müngühmühi tsüngbo tholoabah, tüsho mükhean tsüngbo marü; nü a müzammüramrü miro ah, nünü machih.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

EZEKIEL 30:6

Atungpuhnü ha thachoh: Sherünü Ijip rungchonü akeambah tüsho kükheangküyang sühmüh keamkhibah; Migdol chingnü Sene khiungde arübo ju ching nukshangnü akeambah, Atungpuh Thrünpuhnü thachoh.

EZEKIEL 33:28

inü lomi ju azhik tüsho abahkhi khülang kamshihbah, tüsho kükheangkhi yu akheam thsübah; tüsho Israel müzüngbo ju shenü mütsahhopü thsüde zhikrangkhündo alabah.

EZEKIEL 7:24

Inü arü yambo lushihpü amütsü trükshihbo bedarübah; tode kükheangrü inü akheamshihbah, tüsho arü arüngyambo müneanabahbah.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

ZEPHANIA 3:11

Ju nimung nünü I azhihde arhimokhi alala dünkheaknü nü achih müngü; tümüde inü nüsa bolungnü kükheangde asühachihrübo yihkhita bahbah, tüsho nüsanü kheaküa I yo amüsüh müzüng kheak lülüshishi müthsü.

LUKNÜ ATHRÜTKHI THIYUSHEAK-ATSÜ HUHTANYU 4:25

Tüshe thiyuronü, inü nüsa ki thachoh, kam mahsam kheak khinu thuruk thüning khimdobah alomi alala ching khümzung arükhi Elija nimungbo ching Israel ching khimoberü ahihkhüh lakheah;

YUZÜNGTHALO 11:17

jude yungsho nüsa azhihde Atungpuhnü bukakhiukbah, tüsho apinü thüning khimdobah tsüng marüshih, tüsho alonü tümü makhiukshih, tüsho Atungpuhnü nüsa kilim jihkhi lo chingnü nüsa nahde adükheakbah.

YUZÜNGTHALO 28:23

Tüsho nüsa kumung lakhi thüning ju müwayinchi labah, tüsho nüsa bukkhüp lakhi alo ju yinchi labah.

1 SAMUEL 4:11

Thrünpuh sangdan yankhia lu; tüsho Eli tsührü mahne, Hophni tüsho Phinehas laksah.

1 SAMUEL 4:3

Küyimki thirithsürübo binkheampung ching arükhea, Israel azothsürübonü tha, “ Tümüde Atungpuhnü khihni isa Filistiarü müngüh tsomüzütshihkhea? Isanü Shilo chingnü Atungpuh tangzüng sangdan ha ching hande aranü, junangde api isa bolung arübah tüsho isa riri khah chingnü akhümkhitbah.”