LEVI 26:17 - AMÜSÜH HÜM CL Bible (BSI)

¹⁷ Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

LEVI 26:17 Iomraidhean Croise

THRÜNTAN 4:12

Küyimki nünü alo wochakbanü junü nü kilim tümü makhiukshih, nü a lomi ching lapung mülade tsotsahrümtsahrü thsübah.”

1 KIULONG THSÜRÜ 8:33

“Küyimki nü mihtsürü Israelnü, nü azhihde neak yihbeakkhi hode thiriri mukukba tüshe nü kilim alode anguhbah nü mung ching neak alokhide, ha yam ching nü ki tamkhüntamnü tüsho zhoshesho,

2 KIULONG THSÜRÜ 13:3

Israel kheak Atungpuhnü bukakhiuk, junangde apinü arübo mutuklode Siria kiulongthsüpuh Hazael khah ching jih, jushu Hazael tsührü Ben-hadad khah ching jih.

2 KIULONG THSÜRÜ 13:7

Jumonü Jehoahaz lung aningkhi bonungrü ju khoraberü 50, khoralolungbe 10 tüsho jingnü atsahrü mihtsürü 10,000 lang alakheah; tümüde Siria kiulongthsüpuhnü arübo thsümünim tüsho arübo hinitpung ching asungthulung nangde kamshih.

MUNGSHIKHÜN 44:10

Nünü isa thiriri müngüh tsoshih, tüsho isa azhihrünü isa yankhia lu.

MUNGSHIKHÜN 53:5

Arübo atrepü mülade alapung ching trede lah, tümüde Thrünpuhnü nü azhihde ayanrü robo hiumüzütshihdo; nünü arü achih ngüshihdo, tümütüsho Thrünpuhnü arü bahyuk.

MUNGSHIKHÜN 53:6

O, Zion chingnü Israel akhümkhit akhiukkhülaa! Küyimki Thrünpuhnü api mihtsürü aramrübo belode arübanü, Jakob asühachihshang tüsho Israel asühshang.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

ISAIA 30:17

Khülangnü amüneahmo chithürü tsobah, phüngünü amüneahmo nüsa awung mujuk kheak riphindung nangde tüsho awung kheak khuhtozhin khülang nangde maningyi khiungde ashanbah.

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

JEREMIA 19:7

Tüsho ha dangpung ching inü Juda tüsho Jirusalem lümkhibo akeangkeang kamshihbah, tüsho arübo arü riri müngüh nukshang tüsho arü rhangdung yimrü khah hode akeamshihbah. Inü arü ashemibo thüning wuhnubo tüsho alomi shiwühbo kilim jim thsüpü jihbah.

JEREMIA 44:11

Jumonü Wuto Atungpuh , Israel Thrünpuhnü ha thachoh: Inü Juda alala kheamshihpü, nüsa kheak thsümütsü handarüpü lümkihlah.

TÜZHOKHI 1:5

Anihbe riribo aputungrübo kamdo, anihbe riribo thsü-tsüde lah, tümütüsho anihbenü thsümünimkhi hihdakmonü Atungpuhnü anihbe thsünüshih; anihbe tsührübo tsoabahdo, thiri miki aramrübo ah.

TÜZHOKHI 2:4

Thiriri khülang nangde api khah tsülimnü hünkih-a amudo; Zion tsührübe khimyam ching asühde angükhi alala apinü laksahdo; mo nangde api bukakhiukdo.

EZEKIEL 15:7

Arü azhihde I miro kheahbah. Arübo mo chingnü akhiukkhiuk she, monü judü lang arü aniubah. Tüsho küyimki arü azhihde I miro kheahba, I Atungpuh de nünü mükheahbah.

LEVI 17:10

Israelrü khürü yungsho nüsa bolung larü khiungkerü shepünü thiyih tsühbanü, Atungpuhnü api azhihde bukakhiukbah tüsho api nihbuh mihtsürü bolungnü khekhita bahbah.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

JIHUSUA 7:4

Jumonü Israelrü mihtsürü 3000 khühnü Ai yan, tüshe arü Airü müngüh tso.

MAHKHAPRÜ 2:14

Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 3:14

Jumonü Israelrünü Moab kiulongthsüpuh Eglon kam thürükheak tizheah tankih.

MAHKHAPRÜ 3:8

Jumonü Atungpuhnü Israelrü kheak bukakhiuk tüsho apinü arübo Mesopotamia kiulongthsüpuh Kushan-rishathaim khah ching yinabah; tüsho Israel tsührübonü kam tizheah Kushan-rishathaim tankih.

MAHKHAPRÜ 6:2

Tüsho Midiarünü Israel kuk; tüsho Midiarü dünkheaknü Israel mihtsürünü arü jikpung awungbo, lungkhünbo tüsho chipibo ching thsü.

1 SAMUEL 12:15

tüshe nüsanü Atungpuh yu manide api yukhüm azhihsho, nüsa jipürü kheak azhihkhi nangde Atungpuh khahnü nüsa le nüsa kiulongthsüpuh azhihbah.

1 SAMUEL 31:1

Kheakü Filistiarünü Israel bede keochih; tüsho Israelrübo Filistiarü müngüh tso, tüsho ahihdo Gilboa wung ching keamabah.

1 SAMUEL 4:10

Jumonü Filistiarünü keochih; arünü Israelrü kuk, tüsho arübo nihbuh yam lim shande tso. Judüki khide muliuhde laksah, tümüde Israel bonungrü jingnü atsahrü 3000 keamabah.