LEVI 26:16 - AMÜSÜH HÜM CL Bible (BSI)

¹⁶ inü nüsa kheak ha rhimobah: Inü nüsa kheak zukleangnü atrebe handarübah; nüsa mük tukshihpü tüsho rhangdung dükheakshihpü thsüde amungube tukthsü tüsho phütsak arüshihbah. Nüsanü müjih akeangkeang ching hiubah, tümüde nüsa riribonü jurü tsühbah.

LEVI 26:16 Iomraidhean Croise

1 KIULONG THSÜRÜ 8:37

“Lomi ching khümzung, arüm, apung-tukthsü, mokri, tangkho, yungsho lungbün lasho; arü ririnü arü kiuto khürü ching lang she yansho; ju ching tümüpürü arüm yungsho tukthsü lanü;

JOB HU H T ANYU 18:11

Athrip abande atrebenü api müzünchoh, tüsho api lahzhi kheak müthsakkihlah.

JOB HU H T ANYU 20:25

Ju api düthsün chingnü thokhitchoh, tüsho api su chingnü azhingzhing athsokih-a akhiukchoh; atrebe api kheak arüchoh.

JOB HU H T ANYU 31:8

dale tüsho inü yanganü, tüshe püpürü tsühshihanü; tüsho I thsungkheak tümü mukhuhchonü rukkhita bahang.

MUNGSHIKHÜN 109:6

Api kurungkheak mihbukmuyuk mihtsürü zojang, tüsho amüdamrü api khah tsülim zhipshang.

MUNGSHIKHÜN 73:19

O, küdükhüh she anükhüh kheaknü arü thsümünima la, arübo atrebe thsüde shahde muyua lah!

MUNGSHIKHÜN 78:33

Jumonü apinü arü nimungbo sheak khülang nangde, tüsho arü kambo mihtrebe ching kheamshih.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

MÜCHITMUDU 3:33

Atungpuh muthrumünean ju mihbukmuyuk yam kheak lah, tüshe apinü thiyuro lapung müngühjihchoh.

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 62:8

Atungpuhnü api khah tsülim tüsho Wuto khahnü thiyuchihchimdo: Inü kheaküa nü hi nüsa riri jim thsüpü müjih, tüsho nü khisahkhi chingnü khiungkerünü yukhu muyung;

ISAIA 7:2

Küyimki Sirianü Ephraim kheak arihkhi David yamkhünnü asokhea, Ahaz tüsho api mihtsürü mulong ju murung ching sangdungbo apungnü ayünkhi nangde ajan.

JEREMIA 12:13

Arünü wheat hi yang tüshe ayangbo yimludo, arü keakzungdo tüshe tümü alü müla. Atungpuh bukakhiukkhi hode arü yimlukhi ching arü achihbah.

JEREMIA 15:3

Tüsho inü arü kurungkheak thsümünimrü mungji phüyi zojihbah, Atungpuhnü thachoh: alaksahpü nukshang, adütrünpü khihnubo, thüning wuhnubo tüsho alomi shiwühbo amuyupü tüsho athsümünimpü labah.

JEREMIA 15:8

Arü khimoberübo keto loyi kheaknü hihdakde kamdo; animuro inü athunu mihtsürü berübo azhihde athsümünim handarübah; zukleangnü inü arü kheak thsünü tüsho atrebe handarübah.

JEREMIA 20:4

Tümüde Atungpuhnü ha thachoh: Inü nü tüsho nü müyamrü alala ki nü atrebe kamshihchoh; tüsho nünü kheahde alachoki arübo arü riri nukshangnü akeambah. Tüsho inü Juda alala Babilon kiulongthsüpuh khah ching jihbah; apinü arübo rama lubah Babilon ching tsobah, tüsho nukshangnü arü laksahbah.

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

EZEKIEL 24:23

Kuhingbebo nüsa kubo kheak labah tüsho jingkhümpübo nüsa jing kheak labah; nüsanü mimütrip yungsho mütrip, tüshe nüsa mülimkhibo ching nüsa sühkeakeabah tüsho khülangnü khülang ki ashearabah.

EZEKIEL 33:10

Mihtsürü tsührü, kheakü nünü Israel yamkhün ki thaang, Nüsanü ha thado: “ Isanü alakmihkhibo tüsho isa neakbonü isa kheak ajapchoh, tüsho jurü hode isa sühkeakeade kamchoh; dale küde thsah isa lakhukpü?”

AMOS 5:11

Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung.

MIKA 6:15

Nünü ayangbah tüshe müyimlu; nünü olivbo nitbah tüshe nü kheak müdangke mumuju, nünü kurungaso thsünbah tüshe yukhu muyung.

HAGGAI 1:6

Nüsanü hihde mükheando, tüshe nükde yimludo; nüsanü tsühchoh, tüshe küyimkishe nüsa bukmüthsü; nüsanü yungchoh, tüshe küyimkishe nüsa kethürimüri; nüsanü khim phuyuchoh, tüshe sheshe mülamlam, tüsho nüsanü mulomüthsükhi ju akhün bitkhi qiuqiu ching yukpü mulomüthsüchoh.

ZEKARIA 14:12

Ha Jirusalem azhihde thirithsürü mihtsürü alala kheak Atungpuhnü ashikpü arüm-tukthsü lah: arü jing kihde alachoki arü yin shuhbah; arü mükbo tüsho arü mulobo shuhabahbah.

MALAKI 2:3

Inü nüsa tsührübo thürühbah, tüsho nüsa mirobo kheak nüsanü kingaünkhibo khih hiukihjihbah, tüsho nüsa ju inü I mikinü yankhita bahbah.

YUZÜNGTHALO 28:51

Tüsho nüsa müsheshihyi khiungde arünü nüsa yo akam-shiwüh bukhi tüsho nüsa lo chingnü akhiukkhi tsühbah; arünü nüsa kilim hi yungsho yukhu aso yungsho oliv müdangke yungsho moshi yungsho mihnubo bukhi, nüsa müsheshihyi khiungde maningjih.

YUZÜNGTHALO 32:25

Wungdo phulung ching nukshangnü alaksahbah, tüsho thüyam khiungshakbo ching atrebe labah, athrününgtsüng tüsho anünürü chido, niuhdukrü khungarü, kubuyukkhi mihtsürübo dükheakshihbah.

IBRI 10:31

Arhang Thrünpuh khah ching yüzahpü ju atrebe lah.

MAHKHAPRÜ 6:11

Kheakü Atungpuh yunirü Ophra ching arü tüsho Abiezerrü Joash yo thülamdung khüp bin. Api tsührü Gideon yukhu-nitpung ching wheat hi nitde alakheah, junangde Midiarü kheaknü jik.

1 SAMUEL 2:33

Tüshe nüsa bolung shepü I kingaün sadam kheaknü müdükheakshihnü, apinü nü mük tukshihbah tüsho nü mulong thsünüshihbah; nü yamkhün ching lakhi alala thsühnuknü ashebah.