LEVI 26:11 - AMÜSÜH HÜM CL Bible (BSI)

¹¹ Inü I lapung nüsa bolung zobah, tüsho inü nüsa mübahyuk.

LEVI 26:11 Iomraidhean Croise

2 SAMUEL 7:7

Inü Israel mihtsürü bolung tsahkhi amuyung I mihtsürü Israel neakshihpü thiyukhüm jihkhi limberübo ki, Nüsanü tümüde I thsungkheaknü thüyam khülang cedarnü müthsü le de keokhidü de?”

1 KIULONG THSÜRÜ 6:13

I Israel tsührü bolung labah, tüsho I mihtsürü Israel mübahyuk.”

1 KIULONG THSÜRÜ 8:13

Inü nü kilim nü lünnü alapü atsüdak yam khülang thsüdo.”

1 KIULONG THSÜRÜ 8:27

“Tüshe Thrünpuhnü alomi kheak lakhukba de? Yinmi tüsho achangbe yinminü she nü mazüh, inü athsükhi ha yam khide mudukke!

MUNGSHIKHÜN 106:40

Jumonü api mihtsürü azhihde Atungpuh bukakhiukde kam, junangde apinü nihbuh yamrüplurüp thranean.

MUNGSHIKHÜN 76:2

Salem ching she api arüngkhimyam lah, tüsho Zion ching api lapung lah.

MUNGSHIKHÜN 78:59

Küyimki Thrünpuhnü ha sokhea, api mulong zhipzhipde kam, tüsho Israel khide thraneanabah,

ABEKHIT 25:8

Tüsho arünü I khilim arüngakopung khülang thsüshang, junangde I arü bolung labah.

ABEKHIT 29:45

Judüki I Israelrü lung labah, tüsho arü Thrünpuh thsübah.

ABEKHIT 29:46

Arünü I ju Ijip chingnü arü bekhitkhi Atungpuh arü Thrünpuh ah de amükheahbah, junangde I arü bolung labah. I Atungpuh arü Thrünpuh ah.

JEREMIA 14:21

Nü mung chingnü, isa düthranean; nü müretah kiulongthsü-binkiu wüntre müjihde düla; lümkhitang tüsho isa kheak trükshih tangzüng düthsümünim.

TÜZHOKHI 2:7

Atungpuhnü api kingaün sadam tüsho api arüngyam bahyukdo; apinü kiulongthsürü-yam chipibo thiriri khah ching jihdo; thünio nimung nangde Atungpuh yam ching düsheak khülang zhikihdo.

JOEL 2:27

I Israel bolung lah de nüsanü mükheahbah, tüsho I, Atungpuh nüsa Thrünpuh ah tüsho püpü she müla. Tüsho kheaküa I mihtsürübo küyimkishe achih müngühshih.

LEVI 20:23

Inü nüsa müngüh yankhita bahpü lakhi trükbonü arhimokhi düyan. Tümüde arübonü harü amütsübo rhimodo, jumonü inü arü thraneanabah.

LEVI 26:15

tüsho I yakzan thsükhibo manisho tüsho I yuzüngbo manisho yungsho I yukhümbo alala müleangkhide tangzüngkhi thsümünimsho,

LEVI 26:43

Tüshe arünü alo ju akeangkeang lashihbah, tüsho arübo mülade zhikrangkhündo alachoki amunibo asühde amungbah; arübonü nihbuh neak dün thsüphulobah, tümütüsho arübonü I yakzan tüsho thiyukhümbo bahyuk.

LEVI 26:44

Tütüshe, arübo arü riri lomi ching lalashe, inü arübo mübahyuk yungsho shahde müthsümünim, tüsho arü kheak inü tangzüngkhi müthsümünim; tümüde I Atungpuh arü Thrünpuh.

ZEKARIA 11:8

Khinu khülang ching inü namfimihnu neakrü mahsam yankhita bahchoh, tümüde arü kheak inü marümkhukde kamdo, tüsho arünü she I mükheahne.

EFISIA 2:22

api kheak Me ching Thrünpuh lapung thsüde nüsa thrünkih-a lah.

YUZÜNGTHALO 32:19

Atungpuhnü ju ngübahle arü bahyuk, tümüde atsührü tüsho tsührübebonü abukakhiukshih.

JIHUSUA 22:19

Jumonü nüsa yamalo amüsüh mülasho, kingaünpung lakhi A TUN GPU H lo ching arübah isa lung laang; tüshe kingaün sadam püpü thsüde Atungpuh isa Thrünpuh dazhih yungsho isa dazhih.

JIHUSUA 22:31

Eleazar tsührü amükeambuh Phinehasnü Reubenrü, Gadrü tüsho Manaserü ki tha, “ Khihni isa lung Atungpuh lah de isanü mükheahlah, tümütüsho nüsanü api mazhih, kheakü nüsanü Israelrü Atungpuh khah chingnü bekhitdo.”

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;

AMIKHEAKAKHIUKKHI 7:15

Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah.