LEVI 26:1 - AMÜSÜH HÜM CL Bible (BSI)

¹ Nüsanü nüsa thsungkheak sangthsü tümü düthsü tüsho sangthsü yungsho dungjing düzhipshih, tüsho khukningde kingaünpü thsüde lung lamkhita nüsa lo ching düzhipshih; tümüde I Atungpuh nüsa Thrünpuh.

LEVI 26:1 Iomraidhean Croise

2 KIULONG THSÜRÜ 17:10

arünü arü thsungkheak awung abande tüsho sangdung aban khüp dungjingbo tüsho Ashera sangthsübo khima zo;

2 KIULONG THSÜRÜ 17:16

Arünü arü Thrünpuh Atungpuh yukhümbo alala bahyuk tüsho arü thsungkheak moshi nunu sangthsü mahne thsüa zhipshih; arünü Ashera sangthsü thsübah, chiningbo kingaün, tüsho Baal tankih.

2 KIULONG THSÜRÜ 17:8

tüsho Atungpuhnü Israel müngüh yankhitkhi trükshihbo tüsho Israel kiulongthsürübonü ahuhkhi jipü-yaklibo ching tsah.

MUNGSHIKHÜN 78:58

Tümüde arünü arü achang dangpungbonü api bukakhiukshih, tüsho arü mejakbonü api mükthsüde kamshih.

MUNGSHIKHÜN 97:7

Sherünü mejak tankihcho, sherünü sangthsü dünkheak kükheangchonü alala achih ngüshang. Api kingaünang, nüsa thrünpuhbo alala.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 20:23

Nüsanü I kheak atrude shotoyinchi thrünpuhbo, suna thrünpuhbo nüsa thsungkheak tümü düthsü.

ABEKHIT 23:24

Nüsanü arü thrünpuhbo ki mukhukning, yungsho mütankih, yungsho arü yande mürhimo; tüshe nüsanü arü shahde lahyuka bahang tüsho amüsüh dungjingbo abümnü yihkheamjang.

ABEKHIT 34:17

“Nüsanü azünkhi thrünpuhbo düthsü.

ISAIA 2:20

Ju nimung mihtsürübonü arü shotoyinchi le suna sangthsübo ju udungbo le phihnubo kilim jipa bahbah, küpü arünü kingaünpü thsungkheak thsükhea,

LEVI 19:4

Sangthsübo kilim dürholo yungsho nüsa thsungkheak düthsü: I Atungpuh nüsa Thrünpuh.

LEVI 25:55

Tümüde Israelrü tsührübo ju I yamlarübo ah; inü Ijip chingnü abekhitkhi I yamlarübo: I Atungpuh nüsa Thrünpuh.

LEVI 7:33

Aron tsührü bolung shepünü mungtsü kingaün ching athiyih tüsho amüdang jihchonü apinü ashihcham tsülim pho lubah.

WÜHKHE 33:52

nüsanü ju lo ching larü alala yankhitbah lungnü kikiukkhi sangthsübo, tüsho dangpungbo alala thsümünimjang;

YUNIRÜBO RHIMO 17:29

Jumonü Thrünpuh tsührübo a le, isanü aphü ju suna, shotoyinchi, lung, kikiukkhi tüsho mihtsürü lümkhi nangde ah de mülümbeah.

YUZÜNGTHALO 27:15

“‘Shepünü lung, sang tüsho yinchinü thsüa ramde kingaünchonü api muthrumünean thsang; Atungpuhnü sangthsü kingaünkhi thraneanchoh.’ Tüsho mihtsürü alalanü athabah, “Amen!”

YUZÜNGTHALO 5:6

I nüsa Ijip lomi, azhorü kuhi chingnü abekhitbuh Atungpuh nüsa Thrünpuh.

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

MAHKHAPRÜ 18:30

Judüki Danrünü arü thsungkheak asümkhi sangthsü zhipshih; tüsho Mosa tsührü, Gershon tsührü Jonathan tüsho api tsührübo lomi ramtso ching lakhi khiungde Dan trük amükeamrübo lakheah.