LEVI 25:9 - AMÜSÜH HÜM CL Bible (BSI)

⁹ Tüsho nüsanü khinu thüne nimung thürü nipü ching Jubilee hulipungpung achangnü müta khiungke lim yüshang; neak dünthsükhipü nimung ching nüsanü hulipungpung müta nüsa lomi alala ching yüshang.

LEVI 25:9 Iomraidhean Croise

MUNGSHIKHÜN 89:15

Mihtsürü sherünü asühachih düsheak mükheahlanü müngühmühi! O Atungpuh , arünü nü bekhi ayin ching tsahchoh.

MUNGSHIKHÜN 89:16

Arünü nü mung ching nimung amuyung asühachihchoh, tüsho nü thiyuro-lungki ching arübo shuhkih-a lah.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

LEVI 16:20

Küyimki apinü amüsüh dangpung, ashorupung khimyam tüsho kingaünpung müsühkhitpü rhimo banbanü, apinü rhangdung lakhi mihnu handarübah.

LEVI 16:29

Ha nüsa thsungkheak lünnü thiyuzüng thsübah: Khinu thüne nimung athürü nipü nüsa Israelrü tüsho nüsa lung lakhi khiungkerübonü khümkeak thsübeah tüsho tümü she mürhimobeah.

LEVI 16:30

Tümüde ha nimung amükeambuhnü nüsa neak dünthsükhijihbah, junangde Atungpuh miki nüsa neak alala chingnü amüsüh labah.

LEVI 23:24

Israelrübo ki thaang: Khinu thüne atan nimung nüsanü sühakhimkhi, lümrhihkhi amüsüh amukhung, khungpi khungde mungang.

LEVI 23:27

Ha khinu thüne nimung thürü nipü ju neak dünthsükhikhi nimung labah; nüsa thsungkheaknü ha nimung amüsüh amukhungkhi kim labah, tüsho nüsanü nüsa nihbe me thsünübah tüsho Atungpuh kilim taka kingaünkhi jihbah.

LEVI 25:8

Nüsanü amuni kambo kheang, thünenü thüne kam; tüsho amuni thüne thsükhi kambo ju kam yirükheak tuku labah.

LEVI 27:17

Apinü thulu ju Jubilee kam ching müsühkhitsho, adün ju akhuabahkhi lang ayanbah;

LEVI 27:24

Jubilee kam ching thulu ju shepü kheaknü athulokheanü Atungpuh kilim jihlobah.

WÜHKHE 10:10

Nüsa asüh nimung she, thünio akhukhitkhi tüsho nüsa khinu aso ching, nüsa taka kingaünkhi tüsho mungtsü kingaün shuhmülanga jihkhi kheak nüsanü hulipungpung mütang; jurübo nüsanü Thrünpuh miki nüsa thsungkheak mümihbe labah; I Atungpuh nüsa Thrünpuh.”

WÜHKHE 36:4

Tüsho küyimki Israel mihtsürü thsungkheaknü Jubilee arübanü, arü yamrüplurüp ju arü küpü ching rhangkheanü ju trük ching hanyukbah; junangde arü yamrüplurüp ju isa bebuhrü trük yamrüplurüp chingnü hande ayübah.

ROMRÜ KILIM PAULNÜ ATHRÜTKHI KIHÜM HUHTANYU 10:18

Tüshe inü keokhi: Arünü muso de? Jua am, “Arü düsheak alomi alala ching, tüsho arü yubo alomiküp akheambo ching yüdo.”

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

1 TESALONIKA 1:8

Tümütüsho Macedonia le Akaia ching nüsa kheaknü Atungpuh yu lang akhiukkhi yung, tüshe isanü athapü tümü yihnüpü mülapü thsüde Thrünpuh kheak nüsa akin lüpdükhi ching yü.

JIHUSUA 6:4

Amükeamrü thünenü namfimihnupung juhnü athsükhi hulipungpung shuhbah tangzüng sangdan müngüh yüshang. Nimung athüne nipü amükeamrübonü hulipungpung mütde, nüsanü kiuto thüne ki mükamde tsahang.