LEVI 25:36 - AMÜSÜH HÜM CL Bible (BSI)

³⁶ Api kheaknü sholü tümü dulu; tüshe nü Thrünpuh treang; arübo nü lung lashang.

LEVI 25:36 Iomraidhean Croise

NEHEMIA 5:15

I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

NEHEMIA 5:3

Püpürünü tha, “ Khümzung lachoki tsühpü isa lubo, kurungasolu tüsho thüyambo hi dün mührü ki nipabahdo.”

MUNGSHIKHÜN 15:5

shepünü nihbuh sho alü thsüpü münipshihcho, tüsho amülim mülarü azhihde buknim mulucho. Shepünü harü rhimochonü küyimkishe matrüt.

ABEKHIT 22:24

tüsho I bukakhiukkhi takde akambah, tüsho inü nüsa nukshangnü alaksahbah; nüsa niuberü ju khimoberü tüsho nüsa tsührübo mürerü kambah.

ABEKHIT 22:25

“Nüsanü nüsa lung lakhi zhochihrü I mihtsürü ki sho nipshihsho, nüsanü api ki shonip-jihrü nangde müthsübeah; nüsanü api ki sholü dülu.

MÜCHITMUDU 28:8

Shepünü sholü lude nihbuh lakhit rünkihchonü zhochihrü muzhorü khilim hanmukhungchoh.

ISAIA 24:2

Tüsho ha mihtsürübo kheak labah, junangde amükeambuh kheak labah; azhorü kheak lakhi nangde, api putungrü kheak she alabah; yamlaberü kheak lakhi nangde, anihbe putungbe kheak she alabah; athulorü kheak nangde, ayinrü kheak she alabah; anip-jihrü kheak nangde azüng-lurü kheak she alabah; shozüng-jihrü kheak nangde, mah-larü kheak she alabah.

JEREMIA 15:10

I are aba, nünü I zübea lah, lomi ching mihtsürü ki inü rukachihde tüsho atsangachihde lah. Inü sho tümü müzüng yungsho münip, tütüshe alalanü I athruchoh.

EZEKIEL 18:13

Apinü sholü lude nipjihchoh. Hadürü mihtsürü alaba de? Api müla! Tümütüsho apinü harü athraneanbe alala rhimodo, api tsükjide asheshihbah tüsho api thiyih anihbuh kheak labah.

EZEKIEL 18:17

Apinü amülim chingnü khah tuklochoh tüsho sholü yungsho sholü alü mulu. Apinü I yakzanbo zochoh tüsho I yakzan thsükhibo yanchoh. Api anihbuh abuh neak dün müshe; api tsükjide alabah.

EZEKIEL 18:8

Apinü sholü lude münipjih yungsho sholü kihode mulu. Apinü amülim rhimopü chingnü akhah tuklochoh tüsho mihtsürü le mihtsürü dükeak tsüde khapjihchoh.

EZEKIEL 22:12

Nüsa mihtsürü khürünü thiyih bukkhi buknim luchoh; nünü sholü alü luchoh tüsho nü yamhingrü kheaknü jangkhijangrakhinü alarü kamchoh. Tüsho nünü I mihabahdo, Wuto Atungpuhnü thachoh.

LEVI 25:17

Jumonü nüsanü khülangnü khülang kheak dümülapyuk, tüshe nüsanü nüsa Thrünpuh wüntreang, tümüde I Atungpuh nüsa Thrünpuh ah.

LEVI 25:37

Nünü api kheak alü lupü thsüde sho dünipjih, yungsho alü ngülopü thsüde tsühyungpü münipjihbeah.