LEVI 25:23 - AMÜSÜH HÜM CL Bible (BSI)

²³ Alo ju kamruhroro thsungkheak müyinbeah, tümüde alo ju I yo ah; nüsa I lung jaksorü tüsho tsotsahrü ruk lah.

LEVI 25:23 Iomraidhean Croise

THRÜNTAN 23:4

“I khiungkerü ah tüsho nüsa bolung tsotsahrü ah. I kilim alo khürü yinjang, junangde inü I niube kiuyuka bahanü.”

THRÜNTAN 47:9

Jakobnü Pharao ki alo, “I rümde atsahkhi kambo 130 ah; I kambo ju nüklah tüsho küpkhuk lado, tüsho jurünü I buh pürü rümde atsahkhi kambo mukhiung.”

1 KIULONG THSÜRÜ 21:3

Tüshe Nabothnü Ahab ki tha, “Isa jipürü yamrüplurüp nü kilim jihpü thsüde Atungpuhnü mümülü.”

1 KIUTHSÜYUKHEAN 29:15

Tümüde isa le isa jipürübo nü miki khiungkerü tüsho nahde atsopü lah; alomi kheak isa nimungbo me khülang nangde lah, tüsho ju ching mulonglam müla.

2 KIUTHSÜYUKHEAN 7:20

jushu a inü nü kilim jihkhi lomi chingnü nü rukkhita bahbah; I mung thsungkheaknü inü amüsühkhitkhi ha yam I mikinü inü abahyukbah, tüsho ha mihtsürü alala bolung müchitmudu tüsho münedung khülang kamshihbah.

MUNGSHIKHÜN 119:19

I a alomi ching hanrü khülang ah; nü yukhümbo I kheaknü düram.

MUNGSHIKHÜN 24:1

Alomi tüsho ju ching lüpdükhi, alomiküp tüsho ju ching lakhi alala Atungpuh yo ah;

MUNGSHIKHÜN 39:12

I tamkhüntamnü sojang, O Atungpuh , tüsho I tripkhi anijang; I tripchoki zhikde düla. Tümüde I a nü lung I buh pürü nangde jaksorü, tsotsahrü khülang ah.

MUNGSHIKHÜN 39:13

I chamachihbah mülayi müngüh I asühachih-a lupü thsüde I kheaknü kheahmuwuhang.

MUNGSHIKHÜN 85:1

Atungpuh , nünü nü lomi muzhode lado; nünü Jakob aramrü belode arüdo.

ABEKHIT 19:5

Jumonü kheakü nüsanü atsütsü I yu anisho tüsho I tangzüng zosho, mihtsürü alala kurungkheak nüsa I lakhit atsübe thsübah; tümüde alomi alala I yo ah.

ABEKHIT 2:22

Anihbenü api khilim tsührü athrürü 1 zübejih, tüsho Mosanü api mung Gershom de ji tümütüsho apinü tha, “Khiungkerü lomi ching I tsotsahrü thsüde lah.”

ISAIA 8:8

keking nangde Juda ching zünde ayüzahbah, tüsho abukkhitbah, junü ahung khiungbah; tüsho aghi chutreakkhinü nüsa lomi apunglim mibah, O Immanuel.

EZEKIEL 48:14

Arünü ju müyin yungsho mümüthriachih; arünü ha amokhitkhi lomi makhin, tümüde ha Atungpuh kilim amüsüh lah.

HOSEA 9:3

Arübo Atungpuh lomi ching aninga müla; tüshe Ephraim a Ijip lim alode ayübah, tüsho Asiria ching arünü mümüsühkhi tsühyungpü tsühbah.

JOEL 2:18

Judüki Atungpuhnü api lomi thsungkheak lümrhihde kam, tüsho api mihtsürü kheak amuzho la.

JOEL 3:2

inü trükshih alala bemukhungbah tüsho arübo Jehoshaphat Jindükhün ching bede akibah, tüsho I mihtsürü Israel tüsho I yamrüplurüp dünkheaknü inü ju ching arü mahkhapbah, tümütüsho arünü arübo trükshih bolung hiumüzütshih. Arünü I lomi chamnakdo,

LEVI 25:10

Tüsho nüsanü kam thünimpü ju müsühkhitbah tüsho lomi ching larübo alala ki zuzu kamkhi zhiyukjihbah. Ha nüsa thsungkheaknü Jubilee labah; tüsho nüsa mihbüm abannü nihbuh lakhitkukrukbo, tüsho nüsa mihbüm abannü nihbuh yamkhün kilim alode arübah.

LEVI 25:24

Tüsho nüsa lakhi lomi athrünkhi ching nüsanü alakukruk rhokhitpü mülübeah.

YUZÜNGTHALO 32:43

O trükbo, Atungpuh mihtsürübo shiang; tümüde api yamlarübo laksahrü alala kheak apinü royimchoh, tüsho api riri kheak royimchoh, tüsho api lo le amihtsürü neak bahjihchoh.

1 PETER 2:11

I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh.