LEVI 25:17 - AMÜSÜH HÜM CL Bible (BSI)

¹⁷ Jumonü nüsanü khülangnü khülang kheak dümülapyuk, tüshe nüsanü nüsa Thrünpuh wüntreang, tümüde I Atungpuh nüsa Thrünpuh ah.

LEVI 25:17 Iomraidhean Croise

THRÜNTAN 20:11

Tüsho Abrahamnü alo, “Tümütüsho atsütsünü ha dangpung ching Thrünpuh trekhi müla, tüsho arünü I niube dünkheaknü I laksahbah de inü lüm.

THRÜNTAN 22:12

Tüsho apinü tha, “Azübuh kheak nü khah düchung, yungsho api ki tümü düthsü; tümüde kheakü nünü Thrünpuh trelah de inü mükheahlah, tümütüsho nünü nü tsührü khülang lang alakhi I ki müsühmüh.”

THRÜNTAN 39:9

Ha yam ching I hobah sheshe ato müla; yungsho I kheaknü tümü she tukloa muzo tüshe nü lang ah, tümütüsho nü api niube ah. Dale küde thsah inü ha amütsü ato rhimopü, tüsho Thrünpuh azhihde neak yihbeakpü?”

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

2 KIUTHSÜYUKHEAN 19:7

Kheakü Atungpuh trekhi nüsa kheak lashang; nüsanü tümü rhimochonü kümkangang, tümüde Atungpuh isa Thrünpuh kheak thiyuro azhihkhi yungsho jakkheahkhi, yungsho buknimbo lukhi müla.”

NEHEMIA 5:15

I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

NEHEMIA 5:9

Tüsho inü tha, “Nüsanü arhimokhi ju amülim ah! Nüsanü Thrünpuh ki mihyu anibeah tüsho alungki rhimobeah. Jude athsükhinü isa riri khiungkerü ki isa luhmünepü thsüde nüsanü amütsan tümü müjihde alabah.

MUNGSHIKHÜN 19:9

Atungpuh trekhi ju atsangkhit, lünnü lah; Atungpuh mahkhapkhibo ju alungki, tüsho thiyuro-lungki ah.

ABEKHIT 20:20

Tüsho Mosanü mihtsürübo ki tha, “Dütre; tümüde nüsa rüka kheahpü Thrünpuh arüdo, tüsho api trekhi nüsa miki labah, junangde nüsanü neak müyihbeak.”

MÜCHITMUDU 1:7

Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

MÜCHITMUDU 14:31

Shepünü zhochihrü junochonü nihbuh Thrünrü bahyukchoh, tüshe shepünü api wüntrechonü müthsümülarü kheak mihmüthsüm lah.

MÜCHITMUDU 16:6

Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 22:22

Zhochihrü ki api zhochihmonü aram-mihshik düthsü, yungsho mahkhappung ching müthsümülarü düthsümüchi;

ISAIA 3:14

Atungpuhnü azothsürü tüsho api mihtsürü yakzanshuhrü ki mahkhappü ching yüzahchoh: Nüsanü kurungasolu thsümünima bahkheah; zhochihrü thsümüchipü nüsa yambo ching lah.

JEREMIA 22:16

Apinü zhochihrü tüsho müthsümülarü dünkheak mahkhap; ju tsüde alakheah. Ha amütsan I mükheahpü yung de? Atungpuhnü thachoh.

LEVI 19:13

Nü yamhingrü düjuno; nünü düjangkhijangra; tüsho rhimorü mihkhahmo nü thsungkheaknü yapsu khiungde düzo.

LEVI 19:14

Nünü nükhünpeangrü dathru tüsho müktukrü müngüh jing mükhebe düzojih; nünü nü Thrünpuh treang: I Atungpuh ah.

LEVI 19:32

Nünü ku buyukrü miki wusuang tüsho ashinbuhrü ki akin jihang, tüsho nü Thrünpuh treang: I Atungpuh ah.

LEVI 25:14

Tüsho nüsanü yamhingrü ki alo yinsho yungsho nü yamhingrü kheaknü thulosho, khülangnü khülang dümülapyuk.

LEVI 25:36

Api kheaknü sholü tümü dulu; tüshe nü Thrünpuh treang; arübo nü lung lashang.

LEVI 25:43

Nünü api kheak müküpde thiyuzüng dahori, tüshe nünü nü Thrünpuh wüntreang.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 12:5

Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

YUNIRÜBO RHIMO 10:2

Api ju shuhmülanga jihrü, api yamkhün alalanü Thrünpuh trede, zhochihrübo kilim arung jihde, tüsho mutukzhakde Thrünpuh ki tamkhüntamnüde alakheah.

YUNIRÜBO RHIMO 10:35

tüshe trükshih alala ching shepünü api trecho tüsho alungki rhimobanü api kilim aleangkhikhukbe lah.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

ROMRÜ KILIM PAULNÜ ATHRÜTKHI KIHÜM HUHTANYU 11:20

Ju thiyuro. Arünü mükinmonü arübo yihshak, tüshe nüsanü akin hode düküngde zhip. Jumonü dükükheang, tüshe trede zhipang.

ROMRÜ KILIM PAULNÜ ATHRÜTKHI KIHÜM HUHTANYU 3:18

Thrünpuh trekhi arü mük ki müla.”

YUZÜNGTHALO 25:18

nüsa limro ching keaka lunga yapchoki arünü künangde nüsa dunglim larü laksahkhea; tüsho arünü Thrünpuh mütre.

1 TESALONIKA 4:6

junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.

1 SAMUEL 12:24

Atungpuh lang treang, tüsho nüsa mulong athrünkhinü api khiukde tankihang; tümüde apinü nüsa thsungkheak tümü ato rhimodünü lümakheahang.