LEVI 25:10 - AMÜSÜH HÜM CL Bible (BSI)

¹⁰ Tüsho nüsanü kam thünimpü ju müsühkhitbah tüsho lomi ching larübo alala ki zuzu kamkhi zhiyukjihbah. Ha nüsa thsungkheaknü Jubilee labah; tüsho nüsa mihbüm abannü nihbuh lakhitkukrukbo, tüsho nüsa mihbüm abannü nihbuh yamkhün kilim alode arübah.

LEVI 25:10 Iomraidhean Croise

EZRA 1:3

Nüsa bolung shepü api mihtsürüanü–api lung Thrünpuh lashang. Tüsho api Juda ching lakhi Jirusalem ching wutubah Atungpuh , Israel Thrünpuh, shepü Jirusalem ching lanü api arüngyam thsüshang.

MUNGSHIKHÜN 146:7

shepünü junoa larü thsungkheak thiyuro rhimocho, shepünü akhümrü kilim tsühyungbe jihcho. Atungpuhnü aramrübo zuzu jihchoh.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ISAIA 49:9

aramrübo ki thachoh, “Akhiukang,” amiting ching larü ki, “ Nüsa huhang.” Arübo limro mungyean yimtsühbah, achang arakrak alala arü yimtsühpung labah;

ISAIA 63:4

Tümüde royimkhi nimung I mulong ching lakheah, tüsho inü rhokhitpü kam arüdo.

JEREMIA 34:10

Tüsho atorü tangzüng ching yüzahrü alalanü arü azhorübo athrürü tüsho aliberü zuzu kamshihpü mihyu ani, junangde arübo azhorü mükamloshih; arünü ani tüsho zuzu kamshih.

JEREMIA 34:8

Kiulongthsüpuh Zedekianü Jirusalem ching mihtsürü alala zuzu zhiyukpü mihtsürü alala ki tangzüng khülang thsüshu, Atungpuh yu Jeremia kilim arü,

EZEKIEL 46:17

Tüshe apinü anihbuh yamrüplurüp chingnü ayamlarü khürü kilim thsambah khülang thsakhamsho, ju api zuzu lapü kam khiungde api yo thsübah; jushu kiulongthsüpuh kilim jihlobah; api tsührübonü lang anihbuh yamrüplurüp chingnü thsambah khülang zopü kuklah.

LEVI 25:11

Hoju thünimpü kam ju nüsa thsungkheaknü Jubilee labah; ju ching nüsanü müyang, yungsho aküdah thsüde mukhuhkhi müyimlu, yungsho mümupungkhi kurungaso mühanmukhungbeah.

LEVI 25:13

Ha Jubilee kam ching nüsa mihbüm abannü nihbuh lakhit-kukruk lim alode arübah.

LEVI 25:41

jushu api le atsührübo nü kheaknü atsobah tüsho anihbuh yamkhün tüsho jipürü lopung yimde ayübah.

LEVI 25:54

Tüsho api jurü kambo ching mürhokhita lasho, api lung atsührübo she bebah Jubilee kam ching zuzu kamde atsobah.

LUKNÜ ATHRÜTKHI THIYUSHEAK-ATSÜ HUHTANYU 1:74

isa riribo khah chingnü isa bekhitpü, tüsho mütrede isanü api tankihkhukshihpü,

2 KORINT 3:17

Kheakü Atungpuh ju Me, tüsho küching Atungpuh Me lanü ju ching zuzu lah.

GALATIA 4:25

Kheakü Hagar ju Arabia ching Sinai Müzüng ah; alibenü kheakü lakhi Jirusalem thapü ayelah, tümüde alibe ju atsührübo lungnü azhorü kuhi ching lah.

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

1 PETER 2:16

Zuzu mihtsürü nangde laang, tüshe nüsa zuzu ju amütsü thsungkheak ahoripü yung; Thrünpuh yamlarü nangde laang.