LEVI 24:5 - AMÜSÜH HÜM CL Bible (BSI)

⁵ Tüsho nüsanü ayikangkang khahngak 12 lubah yikhap thürükheak mahne nungang.

LEVI 24:5 Iomraidhean Croise

1 KIULONG THSÜRÜ 18:31

Elijanü Jakob tsührü khekhi trükbo ayannü lung 12 lu, shepü ki Atungpuh yu arüshihde tha, “Israel ju nü mung labah”;

1 KIUTHSÜYUKHEAN 23:29

yikhap thürüna zokhi, hi kingaün thsungkheak amokhitkhi ayikangkang, phaüm muyukkhi yikhapkheam, akhapkhi kingaün, müdangke thsürude kingaünkhi, tüsho ahihlim yungsho atolim akearakhi alala ching rungpü lakheah.

1 KIUTHSÜYUKHEAN 9:32

Arü keoniorü Kohathrü khürünü amunimung abande arüngako yikhap thsakhama zopü rhimo lu.

2 KIUTHSÜYUKHEAN 13:11

Arünü yapsu tüsho are aban taka kingaünkhi tüsho rhümthüneabe Atungpuh kilim ahuhbe yikhap akhinashunü amüsüh dükhüm kheak zojih tüsho tsünpungbo are aban takshihpü suna tsünpung dubopung küm; tümüde isanü Atungpuh isa Thrünpuh yukhüm zo, tüshe nüsanü api bahyukdo.

NEHEMIA 10:33

Arüngyam kingaün thsungkheak isanü harü alokhi: dükhüm kheak yikhap zopü, nimung aban hi jihchungpü, nimung aban shiwüh taka kingaünpü, Amuni amüsüh kingaünpü, khinu aso niobo, püpü niobo, püpü amüsüh kingaün, Israelrü münean dünthsükhipü kingaün, tüsho arüngyam thsungkheak yihnüpü püpübo.

NEHEMIA 10:34

Yakzan ching lakhi nangde shepü guknü Atungpuh isa Thrünpuh ki taka kingaünpü sang jihbanü kam aban akhukhitkhi kim ching isa mihtsürübo, amükeamrübo, tüsho Levirübonü azan thsüde alabah.

ABEKHIT 25:30

Tüsho nüsanü kamruhroro I miki dükhüm kheak amüsüh yikhap zoang.

ABEKHIT 39:36

dükhüm, kukruk alala, tüsho Thrünpuh kilim jihkhi yikhap;

ABEKHIT 40:23

tüsho Atungpuhnü thiyukhüm jihkhi yande apinü ju kheak yikhap akhinashu thsüde Atungpuh miki zo.

ABEKHIT 40:4

Dükhüm hande azahang tüsho ju kheak kukrukbo zoang. Kheaküshe tsünpung dubopung lude azahang tüsho ju kheak tsünpungbo zoang.

WÜHKHE 4:7

Arünü Atungpuh kilim jihkhi yikhap zopung dükhüm kheak biyi khim phukihbah tüsho ju kheak phüh-thulung, athüneabe yukkhi phurusük, kingaünbe phurusük, tüsho ayungbe kingaün thsungkheaknü keluhbo de azobah. Tüsho ju kheak yikhap judü lang akihshihbeah.

MATHI 12:4

Apinü Thrünpuh yam ching yüzah tüsho api le api lung berünü yikhap tsüh–amükeamrübo kheak hode arü thsungkheaknü ju rhimopü yakzannü mümülüde alakheah.

YUNIRÜBO RHIMO 26:7

Arünü azhihayihde azhing ayin Thrünpuh tankihde alachoki isa trük thürükheak mahnenü angüpü mulonglamkhi ju ha lah, O kiulongthsüpuh ha mulonglam dünkheak Jihudarünü I müdamchoh.

IBRI 9:2

Arüngkhimyam ju thsü. Akhuhbe khiungshak ching tsünpung-zopung, dükhüm tüsho müsühkhitkhi yikhap lakheah; ha Amüsüh Dangpung de ji.

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

1 SAMUEL 21:6

Jumonü amükeambuhnü api kilim amüsüh yikhap jih; tümüde ju ching yikhap mülakheah, tüshe alam yikhapnü amüthripü thsüde ju nimung Atungpuh mikinü yihkhita lubah atsokhi ahuhbe yikhap lang alakheah.

1 SAMUEL 21:7

Kheakü Saul yamlarü khürü ju nimung Atungpuh miki tukloa bin; api mung Doeg, Edomrü, Saul mihnu neakrü atobuh lakheah.