LEVI 24:2 - AMÜSÜH HÜM CL Bible (BSI)

² Israel mihtsürübo ki tsünpung ching yukpü thsüde oliv chingnü anitkhitkhi müdangke handarüpü thiyukhüm jihang, junangde tsün ju mutukzhakde atrushihbah.

LEVI 24:2 Iomraidhean Croise

2 KIUTHSÜYUKHEAN 13:11

Arünü yapsu tüsho are aban taka kingaünkhi tüsho rhümthüneabe Atungpuh kilim ahuhbe yikhap akhinashunü amüsüh dükhüm kheak zojih tüsho tsünpungbo are aban takshihpü suna tsünpung dubopung küm; tümüde isanü Atungpuh isa Thrünpuh yukhüm zo, tüshe nüsanü api bahyukdo.

MUNGSHIKHÜN 119:105

Nü yu ju I jing ki tsün tüsho I limro ching ayin khülang ah.

MUNGSHIKHÜN 119:130

Nü yubo thanakkhinü ayin jihchoh; hanü makharü kilim lümlung jihchoh.

ABEKHIT 39:37

suna müthsün tsünpung dubopung, tsünpungbo, kukruk alala, tüsho tsünpungbo thsungkheak moke;

ABEKHIT 40:24

Apinü ashorupung khimyam ching düjinglim, dükhüm mikhuh kheak tsünpung dubopung zo;

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

ISAIA 11:2

Atungpuh me api kheak labah, lümlung tüsho anikhitkhi me, lümthiyan tüsho Wuto me, mükheahmudu tüsho Atungpuh wüntrekhi me.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

LEVI 24:1

Atungpuhnü Mosa ki tha,

LEVI 24:3

Ashorupung khimyam ching tangzüng khim zhinkhi aleanglim, Aronnü tsünpungbo ju takkih-a zoanude arenü yapsu khiungde akümbah. Ha tsühsoniuso lün thsungkheaknü yakzan thsükhi labah.

MATHI 4:16

amiting ching larü mihtsürübonü ayin ato khülang ngü; ashe alamme lomi ching larü kheak ayin akhiuk.”

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

LUKNÜ ATHRÜTKHI THIYUSHEAK-ATSÜ HUHTANYU 1:79

amiting ching larü yinshihpü tüsho ashe alamme ching larü kheak yinshihpü, isa jingdükü mungtsü limro ching bepü lah.”

LUKNÜ ATHRÜTKHI THIYUSHEAK-ATSÜ HUHTANYU 12:35

“Nüsa chim rümang tüsho nüsa tsünpungbo trushang;

JOHAN 1:4

Api kheak rhangdung lakheah, tüsho rhangdung ju mihtsürü ayin lakheah.

JOHAN 1:9

Thiyuro ayin ju mihtsürü aban kilim ayin jihkhi alomi ching arükheah.

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.