LEVI 23:6 - AMÜSÜH HÜM CL Bible (BSI)

⁶ Tüsho ju khinu nimung thürükheak phüngü nipü ju phaüm muyukkhi Atungpuh thünio labah; nüsanü nimung thüne phaüm muyukkhi yikhap tsühbah.

LEVI 23:6 Iomraidhean Croise

ABEKHIT 12:14

Jumonü ha nüsanü mümihkhi nimung khülang labah; tüsho nüsa lünbo ching nüsanü Atungpuh ki akheam mülakhi yuzüng kamde thüniode alabah.

ABEKHIT 23:15

Nüsanü phaüm muyukkhi yikhap thünio mungang; inü nüsa ki thiyukhüm jihkhi nangde Abib khinu akhukhitkhi nimungbo ching nüsanü nimung thüne phaüm muyukkhi yikhap tsühbah, tümüde ha khinu ching nüsa Ijip chingnü akhiukkheah. Sheshe I miki khahkeang darü.

ABEKHIT 34:18

“Phaüm muyukkhi yikhap thünio mungang. Inü nüsa ki thiyukhüm jihkhi nangde phaüm muyukkhi yikhap nimung thüne akhukhitkhi kim Abib khinu ching tsühang; tümüde ju kim ching nüsa Ijip lomi chingnü akhiukkheah.

YUZÜNGTHALO 16:3

Nüsanü ju phaüm yukkhi yikhap lung dütsüh; nimung thüne nüsanü ju lung phaüm muyukkhi yikhap tsühbah, ju thsünükhi yikhap (tümüde nüsa Ijip chingnü niokheamde akhiuk), junangde nüsanü nüsa Ijip chingnü akhiukkhi rhangdung amuyung lümkhitbah.

YUZÜNGTHALO 16:8

Nimung thuruk nüsanü phaüm muyukkhi yikhap tsühbah tüsho athüne nipü nüsanü Atungpuh nüsa Thrünpuh kilim amüsüh amukhung labah. Nüsanü ju ni tümü dürhimo.