LEVI 23:34 - AMÜSÜH HÜM CL Bible (BSI)

³⁴ Israelrü tsührübo ki thaang: Ha khinu thüne nimung thürükheak phüngü ninü ründe nimung thüne khiungde Atungpuh miki arüngkhimyam thünio labah.

LEVI 23:34 Iomraidhean Croise

1 KIULONG THSÜRÜ 12:32

Jeroboamnü Juda ching lakhi thünio nangde khinu tizheah nimung thürükheak phüngü nipü thünio mungpü akhukhit, tüsho apinü kingaün sadam kheak laksah-a kingaünkhibo jih; junangde apinü athsükhi moshi nunubo kilim Bethel ching laksah-a kingaün. Tüsho apinü athsükhi awung achangbo amükeamrübo ju Bethel ching zojih.

1 KIULONG THSÜRÜ 8:2

Israel mihtsürü alala khinu thüne, Zangrü khinu kheak thünio ching kiulongthsüpuh Solomon miki mukhung.

1 KIULONG THSÜRÜ 8:65

Junangde Solomonnü api lung Lebo-hamath kheaknü Ijip ayung khiungde boto ato tüsho Israel alala bebah Atungpuh isa Thrünpuh miki nimung thüne thünio mung.

EZRA 3:4

Thrüta lakhi yande arünü thüyam arüngde nio; nimung abande yihnüpü lakhi kingaün jih.

NEHEMIA 8:14

Tüsho Israelrü tsührübo khinu thünepü thünio ching khimyam ching laang de Atungpuh nü thiyukhüm jihkhi Mosa yakzan ching ngü.

ABEKHIT 23:16

Nüsanü thulu ching mükheankhi akhuh asokhi hibo Yimlukhi Thünio laang; tüsho nüsanü thulu chingnü hibo Hanmukhungkhi Thünio laang.

ABEKHIT 34:22

Nüsanü wheat hi akhuh yimluchoki Yimlu Thünio mungang tüsho mumükin ching Hanmukhungkhi Thünio mungang.

EZEKIEL 45:25

Khinu thüne ching nimung thürükheak phüngü ni tüsho nimung thüne thünio thsungkheak apinü neak kingaün, taka kingaün, hi kingaün, tüsho müdangke rukhüh lang ajihbah.

LEVI 23:33

Tüsho Atungpuhnü Mosa ki tha,

LEVI 23:42

Israel mihtsürü alalanü nimung thüne khimyam ching labah,

LEVI 23:43

jude athsükhi hode Atungpuhnü Israel mihtsürübo Ijip chingnü abekhitchoki khimyam yancho ching binshih-a lah de nüsa tsühsoniusobonü amükheahbah: I Atungpuh nüsa Thrünpuh.

WÜHKHE 29:12

Khinu thüne nimung thürükheak phüngü nipü nüsanü amüsüh amukhung laang, nüsanü rhimo achak tümü mürhimo tüsho nüsanü Atungpuh kilim nimung thüne thünio mungang.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 7:2

Kheakü Jihudarü Arüngkhimyam Thünio thüninde alakheah.

YUZÜNGTHALO 16:16

“Kam chingnü mahsam ki nüsa athrürü alala apinü amokhitkhi dangpung ching Atungpuh nüsa Thrünpuh miki mukhungbeah: Phaüm muyukkhi yikhap thünio ching, yimlukhi thünio ching tüsho arüngkhimyam thünio ching; tüsho arünü khahkeangnü Atungpuh miki marübeah.

YUZÜNGTHALO 31:10

Tüsho Mosanü arü ki thiyukhüm jihde tha, “Kam thünepü akheam aban ching akhukhi adükhepü kim, arüngkhimyam thünio ching,

IBRI 11:13

Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan.

IBRI 11:9

Akin hode apinü alokhikhi, khiungkerü lomi ching api ki ju rukhüh alokhikhi yamrüplurüp lurü Isak le Jakob büne lungnü khimyam ching la.