LEVI 23:32 - AMÜSÜH HÜM CL Bible (BSI)

³² Ha nüsa thsungkheaknü sühakhimpü amunimung ah, tüsho nüsanü nüsa nihbe küdah thsüde thsünüang. Khinu ching nimung tuku nipü arelimnü ashirepü khiungde nüsanü amunimung yihkhia lubeah.

LEVI 23:32 Iomraidhean Croise

NEHEMIA 13:19

Jumonü arelim kamde Amuni tankih aban, chipiripitbo rihpü, tüsho Amuni muhoyichokia mükhimshuhpü inü thiyukhüm jih. Tüsho inü I yamlarü khürü chipiripitbo ching binshih, junangde Amunimung tümü hah she mühanyuk.

MUNGSHIKHÜN 35:13

Tüshe küyimki arü tukthsüde alakhea, inü shungliukhim phuyubah azhihayihde khümkeak thsü. I tamkhüntamnü I ki malojihyikia,

MUNGSHIKHÜN 51:17

Thrünpuh kilim shuhmülanga jihpü ju azhihayih me lah; azhihayih tüsho arholokhi mulong, O Thrünpuh, nünü ju mübahyuk.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

LEVI 16:29

Ha nüsa thsungkheak lünnü thiyuzüng thsübah: Khinu thüne nimung athürü nipü nüsa Israelrü tüsho nüsa lung lakhi khiungkerübonü khümkeak thsübeah tüsho tümü she mürhimobeah.

LEVI 16:31

Ha nüsa thsungkheaknü sühakhim amunimung tüsho nüsanü khümkeak thsübeah. Ha kamruhroro thsungkheak yakzan thsükhi lah.

LEVI 23:27

Ha khinu thüne nimung thürü nipü ju neak dünthsükhikhi nimung labah; nüsa thsungkheaknü ha nimung amüsüh amukhungkhi kim labah, tüsho nüsanü nüsa nihbe me thsünübah tüsho Atungpuh kilim taka kingaünkhi jihbah.

LEVI 23:31

Nüsanü tümü she mürhimo; ha nüsa lapungbo ching nüsa tsühsoniuso lün ching lünnü yakzan thsükhi labah.

LEVI 23:33

Tüsho Atungpuhnü Mosa ki tha,

MATHI 5:4

Mitriprübo asühpü, tümüde arübo mulong shukheambah.

1 KORINT 11:31

Tüshe isanü nihbuh akeakheah-a lasho, isa yumükhap.

IBRI 4:11

Jumonü isa sheshe ju ruk mihyumanikhinü mülakphahpü thsüde ju sühakhim ching yüzahpü isanü müranganü.

IBRI 4:3

Kheakü apinü athakhi nangde isa akinrübonü ju sühakhim ching yüzah, “Inü bukakhiukkhi ching thiyuchihchimkhi nangde, ‘Arü küyimkishe I sühakhim ching müyüzah.’ ” Tütüshe api rhimo a alomi thrünchokinü bana lakheah.