LEVI 23:3 - AMÜSÜH HÜM CL Bible (BSI)

³ Nimung thuruk rhimo rhimobah, tüshe thüne nipü a sühakhim amunimung, amüsüh kingaünpü nimung. Nüsa küching küching lalashe, nüsanü rhimo tümü she mürhimobeah, ha Atungpuh amunimung khülang ah.

LEVI 23:3 Iomraidhean Croise

ABEKHIT 16:23

Apinü arü ki tha, “Atungpuhnü ha thiyukhüm jih: ‘Shido a sühakhim nimung, Atungpuh kilim amüsüh amuni labah. Jumonü nüsanü tümü khapa taknelanü khapa takang tüsho tümü ngüpnelanü ngüpang. Aningkhi ju yapsu khiungde tsüde zoang.’ ”

ABEKHIT 16:29

Kheahang! Atungpuhnü nüsa kilim amuni jihdo; jumonü apinü nüsa kilim athuruk nipü nimung mahne thsungkheak yikhap jihchoh; mihtsürü sheshe nihbuh lapung chingnü athüne nipü duwukhiukshih.”

ABEKHIT 16:30

Jumonü mihtsürübonü athüne nipü sühakhim.

ABEKHIT 23:12

Nünü nimung thuruk nü rhimo thsübah tüsho thüne nipü sühakhimbah, junangde nü moshipung le donki sühakhimbah, tüsho nü yamkhün ching azhorü tsührü tüsho khiungkerübo süh shilobah.

ABEKHIT 34:21

“Nüsanü nimung thuruk rhimobah, tüshe thüne nipü sühakhimbah; thulu mülappü tüsho yimlu kim ching nüsanü sühakhimbah.

ISAIA 56:2

Ha rhimokhi mihtsürü, shepünü ha düngde ramrihcho, shepünü amuni mungcho, ju mümüneancho, tüsho amütsü rhimopü chingnü akhah tuklochonü asühpü.

ISAIA 56:6

Tüsho khiungkerübo sherünü Atungpuh lung arihcho, api tankihpü, Atungpuh mung muzhopü, tüsho api yamlarü thsüpü, amuni mungrü alala tüsho ju mümüneanjihcho, tüsho I yo tangzüng dükde ramlocho–

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

LEVI 19:3

Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.

LUKNÜ ATHRÜTKHI THIYUSHEAK-ATSÜ HUHTANYU 13:14

Tüshe sinagog yakzanshuhbuhnü bukakhiuk, tümütüsho Jisunü Amuni thsüngu; tüsho apinü boto ki tha, “Mihtsürübonü arhimopü nimung thuruk lah; jumonü arang tüsho jurü ching thsüngua lung, tüshe Amuni yung.”

LUKNÜ ATHRÜTKHI THIYUSHEAK-ATSÜ HUHTANYU 23:56

Jushu arünü alode arübah thüneathürabebo tüsho rhümthünea müdangkebo thsakham. Tüsho arünü thiyuzüng yande Amuni sühakhim.

YUNIRÜBO RHIMO 15:21

Tümütüsho Mosa yakzan ju adüsonü Amuni aban sinagogbo ching khede lah, tüsho api yubo kiuto aban ching thsangyuthsangrado.”

AMIKHEAKAKHIUKKHI 1:10

I Atungpuh nimung Me ching lakheah, tüsho hulipungpung nangde düsheak achangnü I dunglim so,