LEVI 23:28 - AMÜSÜH HÜM CL Bible (BSI)

²⁸ Tüsho nüsanü ha nimung rhimo tümü she dürhimo; tümüde ha nüsa neak dünthsükhipü Atungpuh nüsa Thrünpuh miki dünthsükhikhi nimung ah.

LEVI 23:28 Iomraidhean Croise

ISAIA 53:10

Tütüshe api thsünüde azünakpü ju Atungpuh lümkhi lakheah. Küyimki nünü api rhangdung neak dün kingaün jihbanü, apinü anihbuh tsührü ngübah tüsho api nimungbo thoshangbah; api hode Atungpuh lümkhi akuk ngübah.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

LEVI 16:30

Tümüde ha nimung amükeambuhnü nüsa neak dünthsükhijihbah, junangde Atungpuh miki nüsa neak alala chingnü amüsüh labah.

LEVI 16:33

Tüsho apinü amüsüh dangpung, Atungpuh shorupung khimyam, kingaünpung, amükeamrübo, tüsho Israel mihtsürü amukhungrü alala thsungkheak dünthsükhibah.

LEVI 16:34

Ha kam ching khülang ki Israel neak dünthsükhipü nüsa thsungkheaknü kamruhroro yakzan thsükhi lah. Tüsho Atungpuhnü api ki thiyukhüm jihkhi nangde Mosanü rhimo.

LEVI 23:27

Ha khinu thüne nimung thürü nipü ju neak dünthsükhikhi nimung labah; nüsa thsungkheaknü ha nimung amüsüh amukhungkhi kim labah, tüsho nüsanü nüsa nihbe me thsünübah tüsho Atungpuh kilim taka kingaünkhi jihbah.

ZEKARIA 3:9

Tümüde inü Jihusua miki zokhi lung khülang thrip thüne lakhi kheak, inü adokihbah, Wuto Atungpuhnü thachoh, tüsho ha lomi amülim inü nimung khülangnü yihkhita bahbah.

IBRI 10:10

Tüsho ju lümkhinü Jisu Khrista pang rüpde khülangki lang ajihkhi hode isa tsangkhit.

IBRI 10:14

Tümüde khülangki kingaünkhinü kim alala thsungkheak tsangkhita larü khiukdahde kamshihdo.

IBRI 9:12

Mihnubo tüsho moshipungbo thiyih hode yung tüshe anihbuh thiyih hode lünnü isa rhokhitpü rüpde khülangkinü lang Amüsüh Dangpung ching yüzah.

IBRI 9:26

dükhülaa alomi thrünchoki Khrista ahihdo ki thsünüa labah. Tüshe kheakü lün akheam ching anihbuh shuhmülanga jihkhinü neak hande atsopü thsüde rüpde khülangki lang api arüdo.

1 JOHAN 2:2

api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah.

1 JOHAN 4:10

Ha amuzho lah: isanü Thrünpuh muzhokhinü yung, tüshe apinü isa muzho tüsho isa neak dünthsükhipü api tsührü arüshih.

1 JOHAN 5:6

Jisu Khrista ha ke tüsho thiyih hode arükhi lah, ke hodü lang yung; tüshe ke tüsho thiyih hode ah.