LEVI 23:27 - AMÜSÜH HÜM CL Bible (BSI)

²⁷ Ha khinu thüne nimung thürü nipü ju neak dünthsükhikhi nimung labah; nüsa thsungkheaknü ha nimung amüsüh amukhungkhi kim labah, tüsho nüsanü nüsa nihbe me thsünübah tüsho Atungpuh kilim taka kingaünkhi jihbah.

LEVI 23:27 Iomraidhean Croise

EZRA 8:21

Judüki isa tsührübo, kukrukbo tüsho isa thsungkheaknü limro mukhiungarihdo yimkhita lupü thsüde, Thrünpuh ki isa küdah thsüde azhihayihde khümkeak thsüpü Ahava ayung kinü inü zhiyuk.

MUNGSHIKHÜN 35:13

Tüshe küyimki arü tukthsüde alakhea, inü shungliukhim phuyubah azhihayihde khümkeak thsü. I tamkhüntamnü I ki malojihyikia,

ABEKHIT 30:10

Aronnü ha juhbo kheak kam ching khülang ki dünthsükhiang. Ha kam ching khülang ki dünthsükhipü ju lünbo thsungkheak neak kingaün thiyih lungnü jihang. Ha Atungpuh kilim khide amüsüh lah.”

ISAIA 58:5

Inü mokhitkhi khümkeak ha, nihbuh azhihayihpü nimung yung de? Sangrung nangde aku koyupü, tüsho shungliukhim le awah ching yapbea de? Nünü ha Atungpuhnü leangkhikhukbe nimung, khümkeak ah de ajiba de?

LEVI 16:11

Küyimki Aronnü api tüsho ayamkhün thsungkheak moshipung arü neak dünthsükhipü laksah-a neak kingaün jihbanü,

LEVI 16:15

Jushu apinü mihtsürübo thsungkheak neak kingaünpü mihnu laksahbah, tüsho khim zhindokhi khüp athiyih handarübah, tüsho moshi thiyih rhaka bahkhi ruk, akhidopü kheak tüsho tangzüng sangdan mikhuh ching rhaka bahbah.

LEVI 16:16

Hanangde apinü Israel mihtsürü mümüsühkhi tüsho arü neak chingnü amüsüh dangpung dünthsükhibah, junangde apinü arü mümüsühkhi bolung ching lakhi ashorupung khimyam thsungkheak rhimobah.

LEVI 16:24

tüsho apinü amüsüh dangpung ching junü kemüyihbah nihbuh khimmih yih-a lubah. Jushu apinü anihbuh neak tüsho mihtsürübo neak dünthsükhipü wukhiukbah taka kingaünkhi jihbah.

LEVI 23:26

Tüsho Atungpuhnü Mosa ki tha,

LEVI 23:28

Tüsho nüsanü ha nimung rhimo tümü she dürhimo; tümüde ha nüsa neak dünthsükhipü Atungpuh nüsa Thrünpuh miki dünthsükhikhi nimung ah.

LEVI 25:9

Tüsho nüsanü khinu thüne nimung thürü nipü ching Jubilee hulipungpung achangnü müta khiungke lim yüshang; neak dünthsükhipü nimung ching nüsanü hulipungpung müta nüsa lomi alala ching yüshang.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

YUNIRÜBO RHIMO 27:9

Kim shangde yü tüsho hantsahpü atrebe kam tümütüsho dünthsükhi nimung hoabah. Jumonü Paulnü arü ki tha,

JAKOB 4:9

Mulong tukthsüang, tripang tüsho tüzhoang. Nüsa münekhi mulong rozhak tüsho nüsa asühkhi miro mitingkhi kamshang.