LEVI 23:21 - AMÜSÜH HÜM CL Bible (BSI)

²¹ Tüsho ju ninü nüsanü zhiyukjang; nüsanü amüsüh amukhung khülang labah; nüsanü rhimo achak tümü she mürhimo: ha nüsa lapung abande kamruhroro nüsa lün amuyung yakzan labah.

LEVI 23:21 Iomraidhean Croise

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

ABEKHIT 27:21

Ashorupung khimyam, zhindokhim wungdo lim tangzüng sangdan miki, Aron tüsho api tsührübonü arenü yapsu khiungde Atungpuh miki tsünpung takanua zobah. Ha Israelrü thsung thsüde arü lünkhe amuyung yakzan thsükhi labah.

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

LEVI 23:14

Nüsanü ju nimungnü nüsa Thrünpuh kilim kingaün handarü müjihyi khiungde yikhap thsüthsü, angukhi hi thsüthsü yungsho aso hi thsüthsü nüsanü mütsüh; ha nüsa tsühsoniuso lün ching lapung abande thiyukhüm labah.

LEVI 23:2

Israel trükbo ki thaang: Harü ha akhukhitkhi Atungpuh thüniobo, nüsanü amüsüh amukhung ah de azhiyukpü lah.

LEVI 23:20

Amükeambuhnü akhuhbe sangaso ju namfimihnu mahne lung Atungpuh miki müleamde kingaünbah; jurübo amükeambuh thsungkheaknü Atungpuh miki amüsüh labah.

LEVI 23:25

Nüsanü rhimo achak tümü she dürhimo, tüsho nüsanü Atungpuh kilim taka kingaünkhi jihang.

LEVI 23:31

Nüsanü tümü she mürhimo; ha nüsa lapungbo ching nüsa tsühsoniuso lün ching lünnü yakzan thsükhi labah.

LEVI 23:4

Harü ha Atungpuh thüniobo, amüsüh amukhungbo, nüsanü akhukhitkhi kim ching zhiyukjihpü lah.

LEVI 23:7

Atan nimung nüsanü amüsüh amukhung khülang labah; nüsanü rhimo achak tümü she mürhimo.

LEVI 3:17

Ha nüsa lünbo, nüsa lapung alala ching kamruhroro yakzan labah; nüsanü amüdang yungsho athiyih mütsühbeah.

WÜHKHE 18:23

Tüshe Levirünü arüngyam ching arüngakobo rhimobah, tüsho arünü arü münean hanbah; ha lünnü tsührü-tsührü lün khiungde yakzan labah, junangde Israel mihtsürü bolung arü yamrüplurüp müla.

YUZÜNGTHALO 16:11

Nü tüsho nü tsührü le tsührübe, nü yamlabuhrü le yamlaberü, nüsa chipimurung khüp lakhi Levirü, hanrü tüsho mürerü tüsho nüsa lung lakhi khimoberü alalanü Atungpuh nüsa Thrünpuhnü api mung zopü mokhitkhi dangpung chingnü Atungpuh Thrünpuh miki asühachihang.