LEVI 23:17 - AMÜSÜH HÜM CL Bible (BSI)

¹⁷ Nüsanü nüsa lapung chingnü ayikangkang khahngak 2nü anungkhi yikhap mahne müleamde ajihpü lubah arang; jurübo ju atsüdak ayikangkang, phaüm yukbah anungkhi, Atungpuh kilim akhuhbe sangaso thsübah.

LEVI 23:17 Iomraidhean Croise

NEHEMIA 10:37

Kam aban yimlukhi hi chingnü yikhap, yukhu, oliv müdangke, tüsho sangaso aphuaphubo she amükeamrünü müsükhitshihbah. Isa lo chingnü akhiukkhi hi thürü shihcham thremukhungkhi, alala Levirübo athrerü ki hande ayübah.

ABEKHIT 22:29

“Nünü akhuh yimlukhi tüsho sangaso-kebo kingaün jihpü dashu. Nü tsührü adüjibuh I kilim jihang.

ABEKHIT 23:16

Nüsanü thulu ching mükheankhi akhuh asokhi hibo Yimlukhi Thünio laang; tüsho nüsanü thulu chingnü hibo Hanmukhungkhi Thünio laang.

ABEKHIT 23:19

Nüsa lo chingnü akhuh asokhi sangaso Atungpuh nüsa Thrünpuh yam ching hande arang. Mihnu nunu abe niuhke ching dükhiung.

ABEKHIT 34:22

Nüsanü wheat hi akhuh yimluchoki Yimlu Thünio mungang tüsho mumükin ching Hanmukhungkhi Thünio mungang.

ABEKHIT 34:26

Nüsa lo chingnü akhiukkhi akhuh asokhi sangaso atsüdakbe Atungpuh nüsa Thrünpuh yam ching hande arang. Mihnu nunu abe niuhke ching dükhiung.”

LEVI 2:12

Nüsanü akhuhde yimlukhi Atungpuh kilim kingaün jihbah, tüshe kingaünpung kheak arhümthüneashihde mütak.

LEVI 23:10

Israel mihtsürübo ki thaang: Küyimki nüsanü inü ajihkhi lo ching arüba, tüsho yimlubanü, nüsanü akhuhde yimlukhi hi phung amükeambuh kilim handarünü jihang;

LEVI 23:18

Tüsho nüsanü yikhap lung lapha mükihkhi namfimihnunu pung kam khülang bankhitkhi thüne, moshipung khülang, tüsho mihnupung mahne de jihang; jurübo ju hi kingaün tüsho yukhu kingaünkhi bolung taka kingaünde, arhümthüneakhinü Atungpuh asühshihbah.

LEVI 7:13

Ju lungnü, mungtsü kingaün makshe jihde shuhmülanga jihkhi phaüm yukkhi yikhap jihbah.

WÜHKHE 15:17

Tüsho Atungpuhnü Mosa ki tha,

WÜHKHE 18:12

Müdangke bolung atsüdakbe, yukhu aso tüsho ke bolung atsüdakbe arübonü sangaso Atungpuh kilim jihkhibo inü nü kilim jihdo.

WÜHKHE 18:13

Arü lo ching sangaso akhuhde amünkhi arünü Atungpuh kilim hande arükhi ju nüsa yo thsübah. Nüsa yamkhün ching müsühde alarübonü ju tsühpü kuklah.

WÜHKHE 28:26

Tüsho amunibo thünio kim ching sangsolungsobo akhuh yimlu nimung, küyimki nüsanü hiso kingaün Atungpuh kilim jihbanü, nüsanü amüsüh amukhung laang, tüsho rhimo achak tümü she dürhimo.

MATHI 13:33

Apinü kheaküshe arü ki shihdanglimyu püpü tha: “Yinmi kiulongthsü ju, aliberü khülangnü phaüm lubah aümdungkhi pungdüchi 40 ching düsah-a mülamyi khiungde azokhi kiphahlah.”

ROMRÜ KILIM PAULNÜ ATHRÜTKHI KIHÜM HUHTANYU 8:23

Tüsho thrüna lakhi lang yung, tüshe Me akhuh sangaso isabo, tsührübo kampü, isa pangbo rhokhitpü aleangde alunglimnü ashechoh.

1 KORINT 15:20

Tüshe atsütsü asherü she arhang kamlobah dükhi amütsan Khrista ashe chingnü arhang kamlodo.

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

AMIKHEAKAKHIUKKHI 14:4

Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,