LEVI 22:9 - AMÜSÜH HÜM CL Bible (BSI)

⁹ Amükeamrü alalanü inü ajihkhi yuzüngbo anibah. Jude müthsüsho arübonü ju müneankhinü neak yihbeakbah tüsho ashebah: I Atungpuhnü arü müsühkhit.

LEVI 22:9 Iomraidhean Croise

ABEKHIT 28:43

Aron le api tsührübonü arü ashorupung khimyam ching yüzahchoki yungsho amüsüh dangpung ching tankihpü kingaün sadam ki yüchoki jurü yihbah, junangde arünü amülim müthsü tüsho müshe. Ha lünnü Aron tüsho api tsühsoniuso thsungkheak thiyuzüng labah.

LEVI 16:13

Apinü Atungpuh miki rhümthüneabe ju mo kheak yihkihbah, tüsho rhümthüneabe takkhi mokhühnü tangzüng sangdan khidopü liudobah, jude athsükhinü apinü ju müngü tüsho müshe.

LEVI 16:2

apinü tha, “ Khide Amüsüh Dangpung ching zhinkhi khim miki kim yancho ching darü de nü khiung Aron ki thaang, tümüde ju tangzüng sangdan khidopü kumung amo ching I akhiukchoh. Apinü mihyumanisho, api asheshihbah.

LEVI 18:30

I yukhümbo aniang tüsho nüsa müngüh larü mihtsürü rhimobo düyan, tüsho harü athraneanbebo rhimokhinü nüsa dümünean. I Atungpuh nüsa Thrünpuh.

LEVI 22:16

yungsho arü ki thiyukhüm jihbahle amüsüh kingaünkhi tsühkhi hode arübo kheak amülim akihbah; tümüde I Atungpuhnü jurü mümüsühkhit.

WÜHKHE 18:22

Kheaküa Israelrü mihtsürübonü arüngyam phünide marü, jude yungsho arünü neak yihbeakbah tüsho ashebah.

WÜHKHE 18:32

Tüsho nüsanü atsüdakbe jihkhi dünkheaknü nüsa neak müla; tüshe nüsanü Israel mihtsürübonü amüsüh thsambahbo jihkhi dümüneanshih, jude yungsho nüsa ashebah.

MATHI 23:17

Nüsa müktukrü makharübo! Suna le suna müsühkhitkhi arüngyam shepü atobe a?

YUZÜNGTHALO 11:1

“Jumonü nünü Atungpuh nü Thrünpuh muzhoang, tüsho apinü alunekhibo, yakzanbo, thiyuzüngbo, tüsho thiyukhümbo kamruhroro zoang.