LEVI 22:6 - AMÜSÜH HÜM CL Bible (BSI)

⁶ Shepünü hadürü kukruk qiubanü api arelim khiungde mümüsühkhi labah tüsho api pang kenü müyihamübahsho amüsüh kingaünkhi apinü mütsüh.

LEVI 22:6 Iomraidhean Croise

LEVI 11:27

Tüsho shiwühbo ajing phüyi kihbah jinglungnü atsahkhibo nüsa thsungkheaknü mümüsüh; sherünü ju ashemi qiubanü arelim khiungde mümüsühkhi labah,

LEVI 11:28

tüsho shepünü ashemi ju ahanbanü akhimmih müsühbah tüsho arelim khiungde mümüsühkhi labah, jurübo nüsa thsungkheaknü mümüsüh.

LEVI 11:31

Loriloko alala bolungnü harü nüsa thsungkheaknü mümüsüh; sherünü jurü ashemi kheak qiubanü arelim khiungde mümüsüh.

LEVI 11:32

Judürü ashemi tümükhüh kheak lang she keamkihsho ju mümüsühde akambah, ju sang kukruk, khimmih, shihküp, yungsho shungliukhim thsüala, yihnübe kukruk tümütümü thsüthsü she ke ching thsambeah, tüsho arelim khiungde mümüsühde alabah; jushu müsühde akambah.

LEVI 11:39

Nüsanü atsühbe shiwüh khürü shebahle, khürünü ashemi qiusho arelim khiungde mümüsühde akambah,

LEVI 11:40

tüsho khürünü ashekhi shih ju tsühsho, apinü akhimmih müsühbeah, tüshe api arelim khiungde mümüsüh; khürünü ashemi hansho khimmih müsühabahbeah, tüshe api arelim khiungde mümüsühkhi labah.

LEVI 15:5

Tüsho shepünü ju buh yapkiu qiubanü nihbuh khimmih müsühbah, kemüyihbah tüsho arelim khiungde mümüsühkhi labah.

LEVI 22:5

yungsho apinü abüde atsahbe shiwüh yungsho amümüsüh mihtsürü kheak qiusho api mümüsühde akambah.

LEVI 22:7

Tüsho küyimki ani yüzahbanü api amüsüh kambah; tüsho ju dunglim amüsüh kingaünkhibo ju apinü atsühpü kuklah, tümütüsho ju api tsühyungpü ah.

HAGGAI 2:13

Judüki Haggainü tha, “ Khürünü ashemi qiubahle mümüsühkhinü harü khürü qiusho, ha amümüsüh kamcho de?” Amükeamrübonü alo, “Am, ha amümüsüh kamchoh.”

WÜHKHE 19:22

Tümüpürü amüneankhi mihtsürünü aqiubanü müneana labah; tüsho mihtsürü shepünü ju qiubanü arelim khiungde müneana labah.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

IBRI 10:22

isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.