LEVI 22:20 - AMÜSÜH HÜM CL Bible (BSI)

²⁰ Nüsanü mütsümüyangkhi shiwüh tümü she düjih, tümüde nü dünkheaknü müleangkhi.

LEVI 22:20 Iomraidhean Croise

EZEKIEL 45:18

Atungpuh Thrünpuhnü ha thachoh: Akhuhbe khinu, atan ni, nüsanü lapha mükihkhi moshipung 1 lubah tüsho arüngakopung müsühkhitbah.

LEVI 1:3

Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.

LEVI 22:24

Shiwüh amükiji trükhi yungsho azünakkhi yungsho azüngrüpkhi yungsho akiukhi, nüsanü Atungpuh kilim müjihbeah yungsho nüsa lomi ching she shuhmülanga dükingaün;

LEVI 22:25

yungsho hadürü shiwüh khiungkerü khah chingnü leangkhia nüsanü Atungpuh kilim tsühyungpü kingaün düjih. Tümüde jurü kheak lapha tüsho areak kihkhi hode nüsa thsungkheaknü müleangkhi.

LEVI 3:1

Küyimki khürünü mungtsü kingaünpü shiwüh jihbanü, Atungpuh miki lapha mükihkhi moshi pung yungsho dre thsübeah.

LEVI 3:6

Mungtsü kingaün thsungkheaknü namfimihnu yungsho mihnu Atungpuh kilim jihsho, pung thsüthsü dre thsüthsü, lapha mükihkhi jihang.

MALAKI 1:8

Küyimki nüsanü amüktukkhi shiwüh laksah-a kingaünkhi ching jihbanü, ju amülim yung de? Tüsho küyimki nüsanü akikkhi yungsho tukthsükhi jihbanü, ju amülim yung de? Ju nü yo kovünor ki thsambah jih-a kheahang; apinü nü ki asühba de yungsho nü leangkhiba de? Wuto Atungpuhnü thachoh.

WÜHKHE 19:2

Ha Atungpuhnü thiyukhüm jihkhi yakzan; Israelrübo ki moshi nunu amürüm areak yungsho lapha mükihkhi tüsho küyimkishe hah mühankhi nüke kilim lubah arang de thaang.

WÜHKHE 29:8

Nüsanü Atungpuh kilim taka kingaünde arhümthüneashihpü ju: moshipung nunu 1, namfimihnupung 1 tüsho kam khülang bankhi namfimihnunu 7. Jurü alala lapha mükihkhi thsübeah.

YUZÜNGTHALO 15:21

Tüshe ju kheak tümükhüh athsareak kihsho, akikkhi yungsho amüktukkhi yungsho thsara zahkhi nünü Atungpuh nü Thrünpuh ki laksah-a dükingaün.

YUZÜNGTHALO 17:1

“Nünü Atungpuh nü Thrünpuh ki lapha kihkhi moshipung yungsho namfimihnununü dükingaün, tümüde ju Atungpuh nü Thrünpuh kilim athraneanbe lah.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

1 PETER 1:19

tüshe lapha yungsho areak mükihkhi namfimihnunu nangde, Jisu shoto thiyih hode ah.