LEVI 22:2 - AMÜSÜH HÜM CL Bible (BSI)

² Aron tüsho atsührübo ki, Israel tsührübonü I kilim müsühkhitde kingaünkhi kümkangpü thaang, junangde arünü I mung amüsüh mümüneanjih; I Atungpuh ah.

LEVI 22:2 Iomraidhean Croise

EZRA 8:28

Inü arü ki tha, “Nüsa tüsho harü kukrukbo Atungpuh miki amüsüh ah, junangde shotoyinchi le suna pungphurubo she nüsa jipürü Thrünpuh Atungpuh kilim kingaün jihchoh.

ABEKHIT 13:12

akhuhde anukhi pung Atungpuh kilim jihang. Nüsa shiwüh akhuh anukhi pung Atungpuh yo ah.

ABEKHIT 28:38

Ha Aron kingkang kheak labah, tüsho Israelrünü müsühkhitde ajihkhi amüsüh thsambahbo ching mülimkhi apinü ahanbah. Ju Aron kingkang kheak mutuklode alabah, junangde arübo ju Atungpuh ki aleangkhikhukbe labah.

ISAIA 52:11

Tsoang, tsoang, ha chingnü wukhiukang! mümüsühkhi tümü düqiu; nüsa sherünü Atungpuh pungphuru hanla, ha bolung chingnü wukhiukang, nüsa tsangkhitang.

EZEKIEL 44:8

Tüsho nüsanü amüsüh kingaün jihpü mürhimo; tüshe nüsanü nüsa thsung thsüde I yo arüngyam ching rhimoshihpü khiungkerübo ki jih.

LEVI 15:31

Hanangde nünü Israel mihtsürübo arü mümüsühkhi chingnü chamkhijihbeah, jude yungsho arü bolung lakhi I yo arüngyam thsümünimkhi hode arü münean chingnü ashebah.

LEVI 18:21

Nüsa tsührü sheshe Molek thrünpuh ki monü dükingaün, tümütüsho, junü nüsa Thrünpuh mung ching mungchihbah: I Atungpuh .

LEVI 19:12

Tüsho nüsa Thrünpuh mükhemükimde I mung chingnü thiyuchihchim düthsü: I Atungpuh ah.

LEVI 20:3

Khürünü nihbuh tsührü Molek kilim jihde I yo amüsüh arüngyam müneansho tüsho I mung amüsüh achih kipsho, inü api azhihde awusubah tüsho api I mihtsürü bolungnü khekhita bahbah.

LEVI 21:6

Arünü nihbuh Thrünpuh mung mümüneanbeah. Tümüde arünü arü Thrünpuh tsühyungpü Atungpuh kilim monü taka kingaün jih; jumonü arübo amüsüh labeah.

LEVI 22:1

Tüsho Atungpuhnü Mosa ki tha,

LEVI 22:32

Nüsanü I mung amüsüh mükhemürang düthsü; tüshe Israel tsührü bolung I amüsüh thsübah. I Atungpuh nüsa müsühkhitjihbuh;

WÜHKHE 18:32

Tüsho nüsanü atsüdakbe jihkhi dünkheaknü nüsa neak müla; tüshe nüsanü Israel mihtsürübonü amüsüh thsambahbo jihkhi dümüneanshih, jude yungsho nüsa ashebah.

YUZÜNGTHALO 15:19

“Nü moshi tüsho mihnu bolungnü akhuh adrekhi pung alala Atungpuh nü Thrünpuh ki müsühkhitang; nünü akhuh adrekhi moshinü tümü dürhimo, yungsho akhuh adrekhi mihnu kheaknü anam dünip.