LEVI 21:17 - AMÜSÜH HÜM CL Bible (BSI)

¹⁷ Aron ki thaang: Nü tsührü tsührübo mütsümüyangrü shenü she arü lün amuyung ching arü Thrünpuh tsühyungpü jihpü marü.

LEVI 21:17 Iomraidhean Croise

MUNGSHIKHÜN 65:4

Mihtsürü shepü nünü mokhitcho tüsho nü arüngakopung ching lapü thüninde bedarüchonü müngühmühi! Nü yam kukruk atsübo, nü amüsüh arüngyam müngühmühibonü isa reangkeambah.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

LEVI 21:16

Atungpuhnü Mosa ki tha,

LEVI 21:21

Amükeambuh Aron tsührübo mütsümüyangrübo sheshe Atungpuh kilim monü taka kingaünpü marü. Api mütsümüyang; apinü nihbuh Thrünpuh tsühyungpü jihpü phünide marübeah.

LEVI 21:6

Arünü nihbuh Thrünpuh mung mümüneanbeah. Tümüde arünü arü Thrünpuh tsühyungpü Atungpuh kilim monü taka kingaün jih; jumonü arübo amüsüh labeah.

LEVI 3:11

Tüsho amükeambuhnü Atungpuh kilim jihkhi tsühyungpü kingaün ah de kingaünpung kheak takbah.

LEVI 3:16

Tüsho amükeambuhnü Atungpuh kilim tsühyungpü kingaün ah de kingaünpung kheak takde arhümthüneakhinü Atungpuh asühshihbah; amüdang alala ju Atungpuh yo.

WÜHKHE 16:5

tüsho apinü Kora tüsho ajingyanrübo ki tha, “Shido yapsu Atungpuhnü sherü api yo a tüsho shepü amüsühanü ahuhbah, tüsho ju buh mihtsürü api phünide ayülishihbah; junangde shepü apinü amokhitbanü api phünide ayüshihbah.

1 TESALONIKA 2:10

Isa künangde nüsa ki amüsüh, thiyurolungki tüsho amudopü mülade nüsa akinrübo ki yakli lakheanü, nüsa tüsho Thrünpuh she isa thiyumütsanbo lah;

1 TIMOTHI 3:2

Kheakü borü limberü ju amülim mülarü, niuberü khülang lang alarü, adanyukkhi, lümrhangrü, yakli atsü, hanrü-mürührü, thsangyukhukrü thsübeah,

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.