LEVI 20:9 - AMÜSÜH HÜM CL Bible (BSI)

⁹ Shepünü buhrü yungsho berü athruajibanü dükde asheshihbah. Apinü abuh yungsho abe athruajimonü, api thiyih api kheak kihbah.

LEVI 20:9 Iomraidhean Croise

2 SAMUEL 1:16

Davidnü api ki tha, “Nü ku kheak nü thiyih kihbah; tümüde nü münnü nü azhihde thiyumütsan jihde tha, ‘Inü Atungpuh mihtsürü mujudemokhitkhi laksahdo.’ ”

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

ABEKHIT 21:17

“Shepünü abuh yungsho abe athrubanü asheshihbah.

MÜCHITMUDU 20:20

Shepünü abuh yungsho abe athrubanü kheahde amitingkhi ching api tsünpung mütabahbah.

MÜCHITMUDU 30:11

Mihtsürü khürü arü buhrü athruajirü tüsho arü berü mümüngühjihrü lah.

MÜCHITMUDU 30:17

Shepünü nihbuh abuh luhmünechonü yungsho shina lachoki abe mükhemükimbanü müleangtopübo yungsho khüyakbonü api mükjibo mukiukhita tsühabahbah.

EZEKIEL 18:13

Apinü sholü lude nipjihchoh. Hadürü mihtsürü alaba de? Api müla! Tümütüsho apinü harü athraneanbe alala rhimodo, api tsükjide asheshihbah tüsho api thiyih anihbuh kheak labah.

EZEKIEL 22:7

Kiuto ching shenü she buhrü tüsho berü wüntre müjih; nünü khiungkerü mülapyuk tüsho buhrü mülarü le khimoberü kheahmüchihdo.

LEVI 20:16

Aliberü khülangnü shiwüh lung müyampü mürangsho, nüsanü alibe tüsho shiwüh ane chido dükde alaksahbah. Ane thiyih ane kheak kihlah.

LEVI 20:27

Athrürü yungsho aliberü shepü mesherü yungsho thümürü thsübanü, dükde arübo lungnü arusahbah. Arü thiyih ju arü kheak kihbah.

MATHI 15:4

Tümütüsho Thrünpuhnü tha, ‘Nü buh tüsho nü be wüntreang’; tüsho, ‘Shepünü abuh yungsho abe athruajibanü api sheshang.’

MATHI 27:25

Tüsho mihtsürü alalanü alo, “Api thiyih isa le isa tsührübo kheak rheakshang.”

MARK 7:10

Tümüde Mosanü tha, ‘Nü buh tüsho nü be wüntreang; tüsho shepünü abuh yungsho abe athrubanü, api sheshang.’

YUZÜNGTHALO 27:16

“‘Shepünü abuh yungsho abe ki mihyumaninü api muthrumünean thsang.’ Tüsho mihtsürü alalanü athabah, “Amen!”

JIHUSUA 2:19

Khürükhüh nü yam ripit hobah wungdo wukhiuksho api zangrü amülim thsübah tüsho isanü ju hahmülang mühan; tüshe nü yam ching khürü yurisho ju isa hahmülang thsübah.

MAHKHAPRÜ 9:24

hanangde Abimelek tüsho api tuthsuka Gideon tsührü 70 laksahshihkhi Shekem mihtsürübo kheak royimpü lakheah.