LEVI 20:3 - AMÜSÜH HÜM CL Bible (BSI)

³ Khürünü nihbuh tsührü Molek kilim jihde I yo amüsüh arüngyam müneansho tüsho I mung amüsüh achih kipsho, inü api azhihde awusubah tüsho api I mihtsürü bolungnü khekhita bahbah.

LEVI 20:3 Iomraidhean Croise

ABEKHIT 30:33

Shepünü thüneabe ha ruk thsüba tüsho amükeamrü kheak hode shepünü ayukbanü api ju nihbuh mihtsürü bolungnü khekhita bahbah.’ ”

EZEKIEL 20:39

Nü thsungkheaknü, O Israel yamkhün, Wuto Atungpuhnü ha thachoh: Nüsa mihbüm abannü yüang tüsho nüsa sangthsübo tankihang! Tüshe ju dunglim tsükjide nüsanü I ki anibah tüsho kheaküa nüsa thsambahbo le nüsa sangthsübonü I mung amüsüh mümüneanjih.

EZEKIEL 5:11

Jumonü Wuto Atungpuhnü thachoh, I arhang lah, tümütüsho nünü athraneanbe kukrukbo alalanü I yo arüngyam müneanshihdo, inü I küdah thsüde amuzho lulobah; inü nü kheak muzhode mükheah yungsho nü maningshih.

LEVI 15:31

Hanangde nünü Israel mihtsürübo arü mümüsühkhi chingnü chamkhijihbeah, jude yungsho arü bolung lakhi I yo arüngyam thsümünimkhi hode arü münean chingnü ashebah.

LEVI 17:10

Israelrü khürü yungsho nüsa bolung larü khiungkerü shepünü thiyih tsühbanü, Atungpuhnü api azhihde bukakhiukbah tüsho api nihbuh mihtsürü bolungnü khekhita bahbah.

LEVI 18:21

Nüsa tsührü sheshe Molek thrünpuh ki monü dükingaün, tümütüsho, junü nüsa Thrünpuh mung ching mungchihbah: I Atungpuh .

LEVI 19:12

Tüsho nüsa Thrünpuh mükhemükimde I mung chingnü thiyuchihchim düthsü: I Atungpuh ah.

LEVI 20:4

Tüshe mihtsürü khülangnü nihbuh tsührü Molek kilim jihbah mihtsürübonü müngümürang thsüde api mülaksahsho,

LEVI 21:6

Arünü nihbuh Thrünpuh mung mümüneanbeah. Tümüde arünü arü Thrünpuh tsühyungpü Atungpuh kilim monü taka kingaün jih; jumonü arübo amüsüh labeah.

LEVI 7:20

Tüshe amümüsührü khürünü ha mungtsü kingaün Atungpuh kilim jihkhi tsühsho, api ju nihbuh mihtsürü bolungnü khekhita bahbah.

LEVI 7:21

Tüsho khürünü tümükhüh amümüsüh kukruk qiubah ha mungtsü kingaün Atungpuh kilim jihkhi shih tsühsho, mihtsürü thsüthsü yungsho shiwüh thsüthsü, api ju nihbuh mihtsürü bolungnü khekhita bahbah.

WÜHKHE 19:13

Sherünü ashemi qiubahle mümüsühkhitbanü, Atungpuh arüngyam müneanjihchoh. Ju buh mihtsürü Israelrü bolungnü khekhita bahbah. Api mümüsühkhi labah, tümütüsho amüsühkhitbe ke api kheak mürhakkih; api mümüsühkhi judü lang api kheak lah.

WÜHKHE 19:20

Tüshe mihtsürü shepü müneanbahle mümüsühkhitbanü, ju buh mihtsürü ju boto chingnü khekhita bahbah, tümütüsho apinü Atungpuh arüngyam müneanjihdo. Amüsühkhitbe ke api kheak mürhakkih; api müneana lah.

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

1 PETER 3:12

Tümüde thiyuro-lungkirü kheak Atungpuh mükbo lah, tüsho api nükhünbo arü tamkhüntamnükhi lim lah. Tüshe Atungpuh miro amütsü rhimorü azhihde lah.”