LEVI 20:27 - AMÜSÜH HÜM CL Bible (BSI)

²⁷ Athrürü yungsho aliberü shepü mesherü yungsho thümürü thsübanü, dükde arübo lungnü arusahbah. Arü thiyih ju arü kheak kihbah.

LEVI 20:27 Iomraidhean Croise

2 KIUTHSÜYUKHEAN 33:6

Apinü müchitde, dünjiyu thade, wurük thsüde tüsho mesherü le kuhi-kheahrü keokhide Hinnom jindükhün ching api tsührü taka kingaünkhi jih. Apinü khide amütsü Atungpuh miki rhimode api bukakhiukshih.

ABEKHIT 22:18

“Wurük-huhrü sheshe rhangdung dülashih.

LEVI 19:31

Mesherü tüsho judürü mebo kilim düyü; arünü nüsa müneanshihpü arü düyim: I Atungpuh ah.

LEVI 20:2

Israel tsührübo ki thaang: Israel yungsho khiungkerü Israel ching larü shepünü nihbuh tsührü Molek thrünpuh kingaünpü jihbanü, lomi ching larü mihtsürü athrünkhinü dükde lungnü api rusahabahbah.

LEVI 20:6

Shepünü mesherü tüsho thümürü kilim yübah arü kheak yüliyürabanü, inü arü azhihbah tüsho arübo mihtsürü bolungnü khekhita bahbah.

LEVI 24:14

Athruajibuh ju binkheampung chingnü bekhitang, tüsho apinü athruajikhi sorü abannü amülim ah dükhi amütsan arü khah aku kheak nimbah, tüsho boto alalanü api lungnü rusahang.

WÜHKHE 15:35

Tüsho Atungpuhnü Mosa ki tha, “ Mihtsürü ju tsükjide asheshihbeah; boto alalanü api binkheampung aleanglimnü rusahabah.”

YUNIRÜBO RHIMO 16:16

Isa tamkhüntamnü dangpung lim yüde alachoki, menü müchitde aputungrü khide alü thsüshihde alakhi azhorü liberü khülangnü isa shoru.

YUZÜNGTHALO 21:21

Judüki kiuto ching lakhi mihtsürü alalanü api lungnü arusahbah; junangde nüsanü amütsürü nüsa bolungnü yihkhita bahang, tüsho Israelrü alalanü sobah atrebah.

1 SAMUEL 28:3

Kheakü Samuel sheabah, tüsho Israel alalanü api thsungkheak tüzho tüsho anihbuh kiuto Rama ching kiuyukabah. Saulnü mesherü tüsho kuhi-kheahrübo lomi chingnü yankhitabah.