LEVI 20:26 - AMÜSÜH HÜM CL Bible (BSI)

²⁶ Tüsho nüsa I kilim amüsüh, tümüde I Atungpuh amüsüh, tüsho nüsa I yo kamshihpü thsüde inü nüsa püpürü trükshih bolungnü bemuwuh.

LEVI 20:26 Iomraidhean Croise

NEHEMIA 10:29

keoniorü tüsho anikhitrü lung nungde muthrumünean thsüde thiyuchihchim, junangde api yamlarü Mosa hode Thrünpuhnü ajihkhi Thrünpuh yakzan yande alabah, isanü Atungpuh , isa Thrünpuh yakzan anibah; tüsho isanü api yakzannü alunekhi yande arhimobah.

MUNGSHIKHÜN 99:5

Atungpuh isa Thrünpuh shuhkihang, tüsho api müphü-dubopung ki kingaünang, tümüde api amüsüh ah.

MUNGSHIKHÜN 99:9

Atungpuh isa Thrünpuh shuhkihang, tüsho api amüsüh wung kheak kingaünang; tümüde Atungpuh isa Thrünpuh ju amüsüh ah.

ABEKHIT 33:16

Nü isa lung müyüsho, nü mihtsürü tüsho I nü miki mihmüthsüm ngüdo de küde thsah amükheahpü? Nü mihtsürü tüsho I, alomi ching lakhi mihtsürü alala kheaknü büthsükhi labah.”

ISAIA 30:11

limro chingnü tsoang, limtsahpung chingnü tsahhuhang, isanü kheaküa Israel yo Amüsühbuh Khülang dünkheak musonü.”

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

LEVI 11:44

Tümüyungde I Atungpuh nüsa Thrünpuh ah; jumonü nüsabo müsühkhitang, tüsho müsühde laang, tümütüsho I amüsüh ah. Alo kheak abüde atsahbe lorilokobo dünkheaknü müneana dulu.

LEVI 19:2

Israel trükbo ki thaang: Nüsa müsühde laang, tümüde I Atungpuh nüsa Thrünpuh amüsüh ah.

LEVI 20:24

Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh.

LEVI 20:7

Jumonü nüsa müsühkhitang, tüsho müsühde laang; tümüde I Atungpuh nüsa Thrünpuh ah.

LEVI 20:8

I yakzan thsükhi anide rhimoang: I nüsa müsühkhitjihbuh Atungpuh .

YUZÜNGTHALO 14:2

Tümüde Atungpuh nüsa Thrünpuh kilim nüsa amüsüh mihtsürü ah, tüsho alomi mihtsürü alala kurungkheak lakhit atsübe Atungpuhnü api thsungkheak nüsa mokhit.

YUZÜNGTHALO 7:6

Tümüde nüsa Atungpuh Thrünpuh kilim amüsüh mihtsürü lah; Atungpuh nüsa Thrünpuhnü nüsa api mihtsürü thsüpü alomi ching mihtsürü alala kurungkheak atsüdakbe lakhit thsüde nüsa mokhit.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

JIHUSUA 24:19

Tüshe Jihusuanü mihtsürübo ki tha, “Nüsanü Atungpuh mütankihkhukpü labah tümüde api amüsüh Thrünpuh, api mükthsü Thrünpuh; nüsanü alakmihkhi yungsho neakbo apinü mübahjih.

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”