LEVI 20:24 - AMÜSÜH HÜM CL Bible (BSI)

²⁴ Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh.

LEVI 20:24 Iomraidhean Croise

1 KIULONG THSÜRÜ 8:53

Tümüde nünü isa jipürü Ijip chingnü bekhitchoki, nünü Mosa hode alokhikhi nangde nü yamrüplurüp thsüpü arübo lomi mihtsürü alala lungnü nünü arü bemuwuhdo, O Atungpuh T HRÜNPU H.”

ABEKHIT 13:5

Küyimki Atungpuhnü nüsa jihpü nüsa jipürü ki alokhikhi Kananrü, Hitrü, Amorrü, Hivrü tüsho Jebusrü niuhke tüsho mukhuke bukkhi lo ching bede yüzahbanü nüsanü ha khinu ching amukhung laang.

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ABEKHIT 33:1

Atungpuhnü Mosa ki tha, “Nü tüsho nünü Ijip lomi chingnü bekhitkhi mihtsürübo ha dangpung chingnü chamachihang, tüsho inü Abraham, Isak, Jakob tüsho arü tsühsoniusobo jihpü alokhikhi lomi ching yüang.

ABEKHIT 33:16

Nü isa lung müyüsho, nü mihtsürü tüsho I nü miki mihmüthsüm ngüdo de küde thsah amükheahpü? Nü mihtsürü tüsho I, alomi ching lakhi mihtsürü alala kheaknü büthsükhi labah.”

ABEKHIT 33:3

Niuhke tüsho mukhuke bukkhi lomi ching wutuang; tüshe I a nüsa bolung matu, jude yungsho inü nüsa limro ching dükheakshihbah tümüde nüsa anihnih mihtsürü ah.”

ABEKHIT 6:8

Tüsho inü Abraham, Isak tüsho Jakob kilim jihpü thiyuchihchimkhi lo ching inü nüsa bede yüzahbah; inü ju nüsa yamrüplurüp thsüde ajihbah: I Atungpuh ah.”

LEVI 14:34

Küyimki inü nüsa yamalo thsüpü jihkhi Kanan lomi ching nüsa arüba, tüsho thüyam ching mokri yükihshihbanü,

LEVI 20:26

Tüsho nüsa I kilim amüsüh, tümüde I Atungpuh amüsüh, tüsho nüsa I yo kamshihpü thsüde inü nüsa püpürü trükshih bolungnü bemuwuh.

WÜHKHE 23:9

Lunghü mujuk chingnü inü arü ngüchoh, awungbo chingnü inü arü chinzhina kheahchoh, arübo büthsüde alakhi trükshih khülang ah; tüsho püpü trükshih kheaknü arü alü müngühmühibe de arünü mükheahlah.

JOHAN 15:19

Nüsa ju alomi yo thsükhülaa, alominü nihbuh yo muzhobah, tütüshe nüsa ju alomi yo yung tüshe alomi chingnü inü nüsa mokhit, jumonü alominü nüsa thraneanchoh.

2 KORINT 6:17

Jumonü arü kheaknü akhiukang, tüsho arü kheaknü chamkhiang, Atungpuhnü thachoh, tüsho amümüsüh tümü düqiu; tüsho inü nüsa leangkhibah,

YUZÜNGTHALO 14:2

Tümüde Atungpuh nüsa Thrünpuh kilim nüsa amüsüh mihtsürü ah, tüsho alomi mihtsürü alala kurungkheak lakhit atsübe Atungpuhnü api thsungkheak nüsa mokhit.

YUZÜNGTHALO 7:6

Tümüde nüsa Atungpuh Thrünpuh kilim amüsüh mihtsürü lah; Atungpuh nüsa Thrünpuhnü nüsa api mihtsürü thsüpü alomi ching mihtsürü alala kurungkheak atsüdakbe lakhit thsüde nüsa mokhit.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.