LEVI 2:9 - AMÜSÜH HÜM CL Bible (BSI)

⁹ Amükeambuhnü mümihpü shihcham hi kingaün chingnü ayihkhitbah, tüsho apinü ju kingaünpung kheaknü atakbah. Ha taka kingaünkhi rhümnü Atungpuh asühshihchoh.

LEVI 2:9 Iomraidhean Croise

ABEKHIT 29:18

Jushu namfimihnupung abümnü kingaün sadam kheak takang. Haju Atungpuh kilim arhümthüneade monü taka kingaünkhi ah.

ISAIA 53:10

Tütüshe api thsünüde azünakpü ju Atungpuh lümkhi lakheah. Küyimki nünü api rhangdung neak dün kingaün jihbanü, apinü anihbuh tsührü ngübah tüsho api nimungbo thoshangbah; api hode Atungpuh lümkhi akuk ngübah.

LEVI 1:9

tüshe bukningbo le ajingbo apinü kenü müsühabahbeah. Tüsho amükeamrünü ju alala Atungpuh asühshihpü kingaün sadam kheaknü arhümthüneade atakbah.

LEVI 2:16

Tüsho amükeambuhnü achukhi hi tüsho müdangke chingnü mümihpü shihcham tüsho rhümthüneabebo bede lubah Atungpuh kilim taka kingaünbah.

LEVI 2:2

tüsho Aron tsührü amükeamrübo kilim lubah arüshang. Amükeambuhnü ayikangkang müyikhüh tüsho müdangke le rhümthüneabe alala lubah thiyuchihchimkhi amütsan Atungpuh kilim jihkhi kingaünpung kheaknü taka kingaünbah. Ha taka kingaünkhi rhümnü Atungpuh asühshihchoh.

LEVI 2:8

Jurünü athsükhi yikhap Atungpuh kilim kingaün hanbah arang; tüsho küyimki amükeambuh kilim jihbanü apinü kingaünpung kheak handarübah.

LEVI 24:7

Tüsho nüsanü atsangkhitkhi rhümthüneabe aru abande yihkihang; ju yikhap ching ride yüzahbah mümihpü shihcham Atungpuh kilim monü taka kingaünkhi labah.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

LEVI 5:12

Apinü ju amükeambuh kilim handarübah, tüsho amükeambuhnü Atungpuh kilim jihkhi amütsan müyikhüh kama lubah, tüsho apinü ju tsühyungpü kingaün thsüde kingaünpung kheak takbah; ha neak kingaün ah.

LEVI 6:15

Arünü ayikangkang müyikhüh, müdangke, tüsho ju kheak lakhi rhümthüneabe lubah mümihpü thsüde Atungpuh kilim kingaünpung kheak takbah. Ha kingaünkhi rhümnü Atungpuh asühshihchoh.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

WÜHKHE 5:26

tüsho amükeambuhnü lümkhitde alapü shihcham thsüde hi kingaün ju müyikhüh lubah, tüsho kingaün sadam kheak takbah tüsho anükhüh labah alibenü ke ju ayungshihbah.

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

ROMRÜ KILIM PAULNÜ ATHRÜTKHI KIHÜM HUHTANYU 15:16

khiungkerü kilim Thrünpuh thiyusheak-atsü amükeamrü thsüde tankihpü ching Jisu Khrista tankihrü thsükhinü, junangde khiungkerü kingaünkhi ju Amüsüh Menü atsangkhitkhi, aleangkhikhukbe labah.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.