LEVI 2:3 - AMÜSÜH HÜM CL Bible (BSI)

³ Aningkhi ayikangkang ju amükeamrübo yo thsübah; ju Atungpuh kilim monü taka kingaünkhi chingnü alukhi khide amüsüh ah.

LEVI 2:3 Iomraidhean Croise

EZRA 2:63

amükeamrünü Urim tüsho Thummim dap mübahyikia arübonü Thrünpuh kingaünkhi jimpung tsühpü mukuk de kovünornü tha.

ABEKHIT 29:37

Kingaün sadam thsungkheak nimung thüne dünthsükhiang tüsho ju müsühkhitang. Jushu kingaün sadam ju khide amüsüh labah, tüsho tümüpürü ju qiubanü amüsüh kambah.

EZEKIEL 44:29

Arünü hi kingaün, neak kingaün, tüsho amülim kingaün tsühbah; tüsho Israel ching kingaünkhi kukruk alala arü yo thsübah.

EZEKIEL 46:20

Apinü I ki tha, “Ha amükeamrübonü amülim kingaün tüsho neak kingaün tüsho hi kingaün dükihpung dangpung lah, junangde jurü aleangbe khikzhakpung ching hande muwukhiuk tüsho mihtsürübo ki amüsühkhitkhi muhuh.”

LEVI 10:15

Arung kingaünkhi apho tüsho müleamde kingaünkhi akhüh ju, Atungpuh miki müleamde kingaünpü thsüde taka kingaünkhi amüdang lung handarübah, tüsho Atungpuhnü thiyukhüm jihkhi nangde, ha nü tüsho nü tsührübonü lünnü rhimode ayüpü yakzan labah.”

LEVI 14:13

Tüsho apinü namfimihnunu ju neak kingaün tüsho taka kingaünpü laksahpung, amüsüh dangpung chingnü alaksahbah, tümüde neak kingaün ju amükeambuh yo ah, junangde ashaklo kingaün she api yo thsübah. Ju khide amüsüh ah.

LEVI 2:10

Aningkhi ayikangkang ju amükeamrübo yo thsübah; ha Atungpuh kilim taka kingaünkhi chingnü khide amüsüh ah.

LEVI 21:22

Apinü api Thrünpuh tsühyungpü khide amüsüh tüsho amüsüh ane chido tsühpü kuklah,

LEVI 5:13

Hanangde amükeambuhnü mihtsürünü ayihbeakkhi neak dünthsükhibah, tüsho api neak bahjihbah. Ha kingaünkhi ching akhualokhi nangde aningkhi ayikangkang ju amükeambuh yo thsübah.

LEVI 6:26

Amükeamrü shepünü neak kingaün jihchonü ju amüsüh dangpung, Atungpuh shorupung khimyam dükeaknü atsühbah.

LEVI 6:9

Aron tüsho atsührübo ki, ha taka kingaün yakzan ah de thiyukhüm jihang. Taka kingaünpü ju kingaünpung mokin kheak tsüngreroro takde yapsu khiungbah tüsho mo ju kingaünpung kheak taka zobah.

LEVI 7:7

Neak kingaün tüsho ashaklo kingaün ane chido thsungkheaknü yakzan khülang rukhüh lah: shih ju dünthsükhia bahjihbuh amükeambuh yo thsübah.

LEVI 7:9

Hi kingaünkhibo yinchikuk, yungsho keangkihphüh yungsho tak-phuru chingnü thsakhama anungkhi ju Thrünpuh kilim jihbuh amükeambuh yo thsübah.

WÜHKHE 18:9

Ha mo ching mütakbe khide amüsüh kukruk nü yo thsübah: arünü kingaünkhibo, hi kingaünkhi, neak kingaünkhi tüsho arünü I kilim shuhmülanga jihkhi amülim dün kingaünbo ju nü tüsho nü tsührübo thsungkheaknü khide amüsüh labah.

1 SAMUEL 2:28

Api I yo amükeamrü thsüpü kingaün sadam kheak wutupü, rhümthüneabe jihpü tüsho I miki khim zhingzhing phuyupü inü api Israel trükbo alala chingnü mokhit; tüsho Israel mihtsürübonü I ki taka kingaünkhi alala inü nü pü yamkhün kilim jih.