LEVI 2:1 - AMÜSÜH HÜM CL Bible (BSI)

¹ Mihtsürü khürünü Atungpuh kilim hi kingaün jihsho apinü akhuhde ayikangkang kamde chuthünakang. Apinü ju ching oliv müdangke tüsho rhümthüneabe yukang,

LEVI 2:1 Iomraidhean Croise

ABEKHIT 29:2

Tüsho wheat yo atsüdak ayikangkangnü phaüm muyukde, yikhap le yikhapkheambo müdangke bede thsang.

ISAIA 43:23

Nünü taka kingaünpü thsungkheak nü yo namfimihnu I kilim hande marü, yungsho nü yo laksah-a kingaünkhinü I wüntre müjih. Inü hi kingaün kheangde nü ki hahmülang müjih, yungsho rhümthüneabe kheangde nü mükhishih.

ISAIA 66:20

Arünü nüsa keoniorü alala trükshih alala chingnü A TU N GPU H kilim kingaün nangde, khorabo, khora-lolungbe, atho-lolungbe, khoranunu, tüsho kemelbo kheaknü Jirusalem ching I yo amüsüh wung kheak handarübah, Atungpuhnü thachoh, Israelrünü amüsüh yukpung chingnü hi kingaün Atungpuh yam ching handarükhi nangde alabah.

EZEKIEL 46:20

Apinü I ki tha, “Ha amükeamrübonü amülim kingaün tüsho neak kingaün tüsho hi kingaün dükihpung dangpung lah, junangde jurü aleangbe khikzhakpung ching hande muwukhiuk tüsho mihtsürübo ki amüsühkhitkhi muhuh.”

JOEL 1:9

Hi kingaün tüsho ayungbe kingaün Atungpuh yam chingnü tuklodo. Atungpuh tankihrü, amükeamrübonü tüzhochoh.

JOEL 2:14

Khükia Atungpuh nüsa Thrünpuhnü api lümkhi müthribah tüsho suhdahde nüsa ki hi müngühjihbah. Junangde nüsanü hi tüsho yukhu api ki jihbah.

LEVI 14:10

Tüsho nimung atizheah nipü apinü lapha mükihkhi namfimihnunu kam khülang bankhi dre khülang, hi kingaün thsungkheaknü ayikangkang atsüdak muluk shihcham thürü ching shihcham mahsam lung müdangke thsürubah, tüsho müdangke pungdüchi shihchamkhüh handarübah.

LEVI 24:7

Tüsho nüsanü atsangkhitkhi rhümthüneabe aru abande yihkihang; ju yikhap ching ride yüzahbah mümihpü shihcham Atungpuh kilim monü taka kingaünkhi labah.

LEVI 5:11

Tüshe apinü müthrithrümpü mahne yungsho chithüreku nunu mahne hande marükhuksho, apinü ayikangkang atsüdak khahngak 1 neak kingaünpü handarübah. Apinü müdangke thsüthsü rhümthüneabe thsüthsü ju ching muyuk, tümüde ha neak kingaün ah.

LEVI 6:7

Amükeambuhnü mihtsürü neak dünthsükhibah tüsho apinü alakmihkhi neak bahjihbah.

LEVI 9:17

Judüki apinü müyikhüh lubah hi kingaün handarü, tüsho yapsu shuhmülanga takkhi lung kingaün sadam kheak tak.

LEVI 9:4

tüsho mungtsü kingaünpü moshipung khülang tüsho mihnupung khülang luang. Arübonü ju müdangke yukkhi hi kingaün lung thsürubah Atungpuh kilim shuhmülanga jihbah. Arünü ha rhimobeah tümütüsho khihni Atungpuh arü miki akhiukbah.’ ”

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

WÜHKHE 18:9

Ha mo ching mütakbe khide amüsüh kukruk nü yo thsübah: arünü kingaünkhibo, hi kingaünkhi, neak kingaünkhi tüsho arünü I kilim shuhmülanga jihkhi amülim dün kingaünbo ju nü tüsho nü tsührübo thsungkheaknü khide amüsüh labah.

WÜHKHE 28:5

Ju lung ayikangkang khahngak 1 ching oliv müdangke pungdüchi 1 yukbah hi kingaün jihang.

WÜHKHE 29:18

tüsho hi kingaünkhi, ayungbe kingaünkhi, moshipungbo, namfimihnupungbo tüsho namfimihnunu kheak lüpde ajihbebo arü wühkhe thiyuzüng yande jihang;

WÜHKHE 7:13

api kingaün ju arüngyam ching adünkhi yande shekel 130 adünkhi shotoyinchi phuru 1 tüsho shekel 70 adünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

WÜHKHE 7:19

api kingaün ju arüngyam ching adünkhi yande, shekel 130 adünkhi shotoyinchi phuru 1 tüsho shekel 70 adünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

WÜHKHE 8:8

Tüsho arübonü moshipung nunu le hi kingaün lushang, ju ching ayikangkang tüsho oliv müdangke yukshang, tüsho nünü neak kingaünpü moshipung nunu püpü luang.

JOHAN 6:35

Tüsho Jisunü arü ki tha, “I rhangdung tsühyungbe ah. Shepü I kilim arüchonü küyimkishe mükhüm, tüsho shepünü I kheak kinchonü küyimkishe kemüthüri.

1 JOHAN 2:20

Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.

JUDNÜ ATHRÜTKHI KIHÜM HUHTANYU 1:20

Tüshe amuzho müyamrübo, nüsanü khide amüsüh nüsa akin kheak rünkihang; Amüsüh Me ching tamkhüntamnüang;

AMIKHEAKAKHIUKKHI 8:3

Yunirü püpü arü tüsho suna mophuru shuhbah kingaün sadam kheak zhip; tüsho amüsührü alala tamkhüntamnükhi lungnü kiulongthsü-binkiu miki suna kingaün sadam kheak jihpü api kilim rhümthüneabe hihde jih;