LEVI 19:5 - AMÜSÜH HÜM CL Bible (BSI)

⁵ Küyimki nüsanü Atungpuh kilim mungtsü kingaün thsungkheak laksah-a jihbanü, nüsa thsungkheak inü aleangkhikhukpü thsüde jihang.

LEVI 19:5 Iomraidhean Croise

2 KIUTHSÜYUKHEAN 31:2

Hezekianü amükeamrü tüsho Levirü chamnakbo, achamnak ayannü, amükeamrü tüsho Levirü abannü nihbuh tankihkhi yande, taka kingaün tüsho mungtsü kingaünbo thsungkheak, Atungpuh binpung ripitbo ching tankihpü, makshe jihpü tüsho mungshipü mokhit.

ABEKHIT 24:5

Judüki apinü Israel athunu mihtsürü yüshih, tüsho arünü taka kingaünkhi tüsho moshipungbo laksah-a Atungpuh kilim mungtsü kingaün jih.

EZEKIEL 46:12

Küyimki kiulongthsüpuhnü arung kingaün jihpü Atungpuh kilim taka kingaün tüsho mungtsü kingaün jihbanü, aniakhiuklim abinkhi chipiripit ju api thsungkheak khimshuhbah; tüsho apinü amuni rhimokhi nangde, taka kingaünkhi yungsho mungtsü kingaün jihbah. Jushu api wukhiukbah, tüsho api wukhiuk dunglim ripit ju arihbah.

EZEKIEL 46:2

Kiulongthsüpuhnü mükü limro ching aleanglimnü yüzahbah, tüsho ripit dung ki api zhipbah. Amükeamrübonü api yo taka kingaünkhi, mungtsü kingaün jihbah, tüsho apinü düküyukpung kheak khukningbah. Jushu api wukhiukbah, tüshe ripit ju arelim khiungde mürih.

LEVI 1:3

Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.

LEVI 19:4

Sangthsübo kilim dürholo yungsho nüsa thsungkheak düthsü: I Atungpuh nüsa Thrünpuh.

LEVI 19:6

Nüsanü akingaünkhi shih ju, ju nimung yungsho ashidopünü tsühabahbeah. Tüsho nimung asam nipü aningkhi shih ju monü takabahbeah,

LEVI 22:19

aleangkhipü thsüde nüsanü lapha mükihkhi moshipung yungsho namfimihnupung yungsho mihnupung bolungnü jihang.

LEVI 22:21

Tüsho küyimki khürünü mungtsü kingaün Atungpuh kilim shuhmülanga jihbanü, alokhikhi thsüthsü yungsho mulongkhi kingaünpü thsüthsü, aleangkhipü thsüde moshi yungsho namfimihnu bolungnü lapha mükihkhi jihbeah.

LEVI 22:23

Moshipung yungsho namfimihnunu ajingkhah alü shangkhi yungsho alü khihkhi nüsanü mulongkhi kingaünpü kuklah, tüshe alokhikhi dünkheak a ju müleangkhi.

LEVI 22:29

Nüsanü küyimki makshe jihkhi Atungpuh kilim shuhmülanga jihbanü, nüsa dünkheak aleangkhikhukpü thsüde jihang;

LEVI 7:16

Tüshe apinü shuhmülanga jihkhi kingaün ju thiyuchihchim yungsho arung jihkhi kingaün thsüsho, apinü shuhmülanga jihkhi ju ju ninü atsühbeah; tüshe aningkhi ashido she atsühpü kuklah,

LEVI 7:18

Khürünü ha mungtsü kingaünkhi shih mahsam nipü tsühsho anihbuhnü kingaünkhi ju müleangkhi, ju mükheyuk; tüshe amümüsühkhi khejihbah, tüsho shepünü atsühbanü apinü neak hanbah.