LEVI 19:3 - AMÜSÜH HÜM CL Bible (BSI)

³ Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.

LEVI 19:3 Iomraidhean Croise

THRÜNTAN 48:12

Judüki Josepnü api mukhukbo kinü ane beakhin, tüsho apinü amiro alo lim thsübah khukning.

NEHEMIA 9:14

Amunimung mümihde azopü nünü arü ki mükheahshih, tüsho nü yamlarü Mosa hode arü ki thiyukhüm, thiyuzüng tüsho yakzanbojih. @1-LINE- SP ACE=

ABEKHIT 16:29

Kheahang! Atungpuhnü nüsa kilim amuni jihdo; jumonü apinü nüsa kilim athuruk nipü nimung mahne thsungkheak yikhap jihchoh; mihtsürü sheshe nihbuh lapung chingnü athüne nipü duwukhiukshih.”

ABEKHIT 20:12

“Nü buh tüsho nü be wüntreang, junangde Atungpuh nü Thrünpuhnü nü kilim jihkhi lo ching nü kutsüp ashang labah.

ABEKHIT 20:8

“Amunimung müsühde azopü lümkhitang.

ABEKHIT 21:15

“Shepünü abuh yungsho abe shikbanü asheshihbah.

ABEKHIT 21:17

“Shepünü abuh yungsho abe athrubanü asheshihbah.

MÜCHITMUDU 1:8

I tsah-a, nü buhnü thsangdankhi aniang, tüsho nü benü thsangyukhi dübahyuk;

MÜCHITMUDU 23:22

Nü zübekhi nü buh ki aniang, tüsho nü be ashinberü kamchoki mükhemükim düthsü.

MÜCHITMUDU 30:11

Mihtsürü khürü arü buhrü athruajirü tüsho arü berü mümüngühjihrü lah.

MÜCHITMUDU 30:17

Shepünü nihbuh abuh luhmünechonü yungsho shina lachoki abe mükhemükimbanü müleangtopübo yungsho khüyakbonü api mükjibo mukiukhita tsühabahbah.

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

EZEKIEL 20:12

Kheaküshe isa dükeak amütsan thsüde arü kilim I yo amunibo jih, junangde I Atungpuhnü jurü müsühkhitdo de arünü mükheah.

LEVI 11:44

Tümüyungde I Atungpuh nüsa Thrünpuh ah; jumonü nüsabo müsühkhitang, tüsho müsühde laang, tümütüsho I amüsüh ah. Alo kheak abüde atsahbe lorilokobo dünkheaknü müneana dulu.

LEVI 19:25

Tüshe kam phüngüpü ching a nüsanü sangaso ju atsühpü kuklah, junangde nüsa thsungkheak hihde asobah. I Atungpuh nüsa Thrünpuh ah.

LEVI 19:30

I amunimung yihkhialung, tüsho I kingaünpung arüngyam kheak wüntreang. I Atungpuh ah.

LEVI 19:31

Mesherü tüsho judürü mebo kilim düyü; arünü nüsa müneanshihpü arü düyim: I Atungpuh ah.

LEVI 19:34

Nüsa lung lakhi khiungkerü ju mihkhung nangde alabah; nünü khiungkerü ki nihbuh nangde muzhoang, tümüde nüsa Ijip ching khiungkerü lakheah: I Atungpuh nüsa Thrünpuh.

LEVI 23:3

Nimung thuruk rhimo rhimobah, tüshe thüne nipü a sühakhim amunimung, amüsüh kingaünpü nimung. Nüsa küching küching lalashe, nüsanü rhimo tümü she mürhimobeah, ha Atungpuh amunimung khülang ah.

LEVI 26:2

Nüsanü I yo amunibo zoang tüsho I yo amüsüh dangpung wüntreang: I Atungpuh ah.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

YUZÜNGTHALO 27:16

“‘Shepünü abuh yungsho abe ki mihyumaninü api muthrumünean thsang.’ Tüsho mihtsürü alalanü athabah, “Amen!”

YUZÜNGTHALO 5:16

“Atungpuh nü Thrünpuhnü thiyukhüm jihkhi nangde nü be tüsho nü buh wüntreang, junangde Atungpuh nü Thrünpuhnü ajihkhi lo ching nü kutsüpde alabah.

IBRI 12:9

Alomi ching isa danyukpü buhrübo lah, tüsho isanü arü ki wüntre jihchoh, isanü küdükhüh she mebo tüsho arhang Thrünpuh ki wüntre jihbea?