LEVI 19:26 - AMÜSÜH HÜM CL Bible (BSI)

²⁶ Shih tümü she athiyih zahde dütsüh. Nüsanü müchitmudu yungsho thümüthiyi dahori.

LEVI 19:26 Iomraidhean Croise

THRÜNTAN 44:5

Ha chingnü I tungpuhnü yungchoh yung de, tüsho hanü apinü arüngako rhimochoh yung de? Ha hode nüsanü amütsü rhimodo.’ ”

THRÜNTAN 9:4

Tüshe nüsanü rhangdung-thiyih bede shih mütsühbeah.

2 KIULONG THSÜRÜ 17:17

Arünü arü tsührü athrürü tüsho aliberübo monü taka kingaün; arünü akhasherü tüsho kuhikheahrü keode la; tüsho arünü Atungpuh miki amütsü rhimode nihbuh zangrü yinde api bukakhiukshih.

2 KIULONG THSÜRÜ 21:6

Apinü atsührü monü taka kingaün, apinü müchityu tha tüsho lümrük thsü, tüsho akhasherü le thümürü ki keokhi. Apinü Atungpuh miki amütsü khide rhimode api bukakhiukshih.

2 KIUTHSÜYUKHEAN 33:6

Apinü müchitde, dünjiyu thade, wurük thsüde tüsho mesherü le kuhi-kheahrü keokhide Hinnom jindükhün ching api tsührü taka kingaünkhi jih. Apinü khide amütsü Atungpuh miki rhimode api bukakhiukshih.

ABEKHIT 7:11

Tüshe Pharaonü she lümlung larü mihtsürü tüsho wurük-huhrü jide arü; junangde Ijip wurük-huhrübonü she arü wurüknü ju ruk thsü.

ABEKHIT 8:7

Tüshe wurükhuhrübonü arü wurük hode ju ruk thsü, tüsho Ijip lomi kheak kheangbo hande arü.

JEREMIA 10:2

Atungpuhnü ha thachoh: Trükshihbo limro dümükheah, yungsho thüning ching amütsanbonü dümüyinsah; tümüde trükshihbo arü kheahbah müyinsah-a lah.

DANIEL 2:10

Kaldearünü kiulongthsüpuh ki alo, “ Kiulongthsüpuhnü alunekhi akhiuka huhkhukpü thsüde alomi kheak sheshe müla! Atsütsü she kiulongthsüpuh, ato tüsho wulakhinü, hadürü küyimkishe kuhi-kheahrü yungsho wurük-huhrü yungsho Kaldearü ki keoamükheah.

LEVI 19:25

Tüshe kam phüngüpü ching a nüsanü sangaso ju atsühpü kuklah, junangde nüsa thsungkheak hihde asobah. I Atungpuh nüsa Thrünpuh ah.

LEVI 3:17

Ha nüsa lünbo, nüsa lapung alala ching kamruhroro yakzan labah; nüsanü amüdang yungsho athiyih mütsühbeah.

LEVI 7:26

Junangde, Israelrü küching küching lalashe arünü wuhnubo yungsho shiwühbo thiyih mütsüh.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

YUNIRÜBO RHIMO 15:20

ju müthri isanü arü ki sangthsübo kilim kingaünkhi amümüsüh mütsühpü, müzammüram müyihbeakpü, tüsho athünitsahkhi shiwüh yungsho thiyih mütsühpü thrütbeah.

YUZÜNGTHALO 12:16

“Nüsanü athiyih lang dütsüh; nüsanü ju ke nangde alo kheak dunga bahang.

YUZÜNGTHALO 12:23

Nünü athiyih lang mütsühpü mütsanang tümüde thiyih ju rhangdung, tüsho nünü rhangdung ju shih lung mütsühbeah.

YUZÜNGTHALO 15:23

Nüsanü athiyih lang mütsüh; nüsanü ju ke nangde alo kheak buka bahang.

1 SAMUEL 14:32

jumonü thirithsürübonü arünü ayankhikhi lim nanachihde yü, tüsho namfimihnu, moshipung tüsho moshi nunubo lubah alo kheaknü laksah; tüsho thirithsürübonü jurübo athiyih bede tsüh.

1 SAMUEL 14:33

Judüki ha Saul kilim thiyusheak jih-a lakheah, “ Kheahang, thirithsürübonü athiyih bede atsühkhi hode Atungpuh azhihde neak yihbeakdo.” Tüsho apinü tha, “Nüsanü mihyumanide rhimodo; I ki ha kheak lung ato phülahde arang.”

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”