LEVI 19:17 - AMÜSÜH HÜM CL Bible (BSI)

¹⁷ Nünü nü mulong chingnü keoniorü müthraneanbeah, tüsho nü yamhingrü tsükjide thürühang, jude yungsho api neak nünü ahanbah.

LEVI 19:17 Iomraidhean Croise

THRÜNTAN 27:41

Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

2 SAMUEL 13:22

Tüshe Absalomnü Amnon ki atsü yungsho amütsü she mütha; tümüde Absalomnü Amnon thranean; tümütüsho apinü aniurü Tamar kheak reangkihde amütsü rhimo.

NEHEMIA 13:17

Inü Jihudarü limberübo ki müdande tha, “Tümü thsükhi nüsanü Amunimung mükhemükimde amünean rhimocho le?

MUNGSHIKHÜN 141:5

Thiyuro-lungkirünü I shikshang; ha amuzhokhi labah. Tüsho apinü I thürühshang; ha atsüdak müdangke labah; I kunü ju düthsungloshih. Tümüde I tamkhüntamnü ju mihbukmuyuk azhihde judü lang lah.

MÜCHITMUDU 9:8

Luhmünerü düthürüh, jude yungsho apinü nü thraneanbah; lümlung larü mihtsürü thürühang, tüsho apinü nü muzhobah.

LUKNÜ ATHRÜTKHI THIYUSHEAK-ATSÜ HUHTANYU 17:3

Nüsa küdah thsüde kurhangang. Nü keoniorünü nü azhihde neak yihbeaksho api thürühang; tüsho apinü mulong müthrisho api neak bahjang.

ROMRÜ KILIM PAULNÜ ATHRÜTKHI KIHÜM HUHTANYU 1:32

Sherünü jurü rhimobanü ashepü thülünlah de arünü Thrünpuh yakzan mükheahkheah she, arünü arhimokhi lang yung tüshe jurü rhimorü she alim jihchoh.

1 KORINT 5:2

Tüsho nüsa kükheanglah. Nüsanü ju müthri tüzhobe yung de? Nüsa bolung shepünü ha rhimokheanü yihkhita bahang.

GALATIA 6:1

Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang.

EFISIA 5:11

Amiting rhimobo ching shihcham dülu, tüshe jurü yinde kamshang.

1 TIMOTHI 5:20

Sherünü neak yihbeakchonü boto mikinü thürühang, junangde aninga larübonü atrekhi ching zhipbah.

1 TIMOTHI 5:22

Khah nimkihpü ching düniokheam, yungsho püpürü neak ching düberung; nü tsangkhitde zoang.

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

TITA 1:13

Ha thiyumütsan thiyuro ah. Jumonü arü khakkhak thürühang, junangde arü akin ching thiyuro labah,

TITA 2:15

Harübo khipkhitang; thiyukhümsühmüh alalanü tuthsukang tüsho thürühang. Shenü she nü mükhemürang düthsüshih.

1 JOHAN 2:11

Tüshe shepünü nihbuh keoniorü thraneanchonü amiting ching lah tüsho amiting ching tsahchoh, tüsho küching yüchonü apinü mümükheah, tümütüsho amitingnü api mükbo tukshihdo.

1 JOHAN 2:9

Shepünü api ayin ching lah de thabah keoniorü thraneanchonü kheakü khiungde amiting ching lah.