LEVI 19:16 - AMÜSÜH HÜM CL Bible (BSI)

¹⁶ Nünü nü mihtsürü lung jipjiprarade wutula akila de düthsü, tüsho nü yamhingrü rhangdung azhihde düzhip: I Atungpuh ah.

LEVI 19:16 Iomraidhean Croise

JOB HU H T ANYU 17:5

Sherünü thsambah thsungkheaknü müyamrübo thsungyukbanü arü tsührübo mük tukabahbah.

MUNGSHIKHÜN 101:5

Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

MUNGSHIKHÜN 15:3

Shepünü api mulonü müjipjipraracho, tüsho api müyamrü ki amütsü müthsücho, yungsho api yamhingrü ki azhihde kiubuyu müthacho;

MUNGSHIKHÜN 50:20

Nünü binchoh tüsho nü keoniorü azhihde asukchoh; nünü nü be tsührü thsüpkhilukhichoh.

ABEKHIT 20:16

“Nünü nü yamhingrü azhihde arükchih thiyumütsan düthsü.

ABEKHIT 23:1

“Nünü akeangyu thiyusheak mahiuhbeah. Thiyuro mülakhi thiyumütsan thsüpü mihbukmuyukrü dürung.

ABEKHIT 23:7

Arükchihbo chingnü nü limshuang; amülim mülarü tüsho thiyuro larü dülaksah. Tümüde inü mihbukmuyuk alim müjih.

MÜCHITMUDU 10:18

Shepünü athraneankhi ramchonü akeangyu münküpbo lah, tüsho shepünü dünthamungtha bushihchonü makharü ah.

MÜCHITMUDU 11:13

Münjipjiprünü aramyu thakhitchoh, tüshe akin lakhi mihtsürünü aramyu zochoh.

MÜCHITMUDU 20:19

Münjipjiprünü aramyu thakhitchoh; jumonü tsaktsakrururü lung datruachih.

JEREMIA 6:28

Arü alala nihnihrara azhihrü, chikhide atsahrü, arübo müwayinchi tüsho yinchi, arü alalanü thsünimthsüshide rhimochoh.

JEREMIA 9:4

Nü yamhingrübo dünkheak rhüngrhüngang, tüsho nü keoniorü she kheak she akin düla; tümüde nü keoniorü alala mülapmüjirü, tüsho nü yamhingrü abannü achikhirü nangde lah.

EZEKIEL 22:9

Nüsa mihtsürü khürü asheshihpü akeangyu tharü lah. Arü khürünü sangthsü kingaünkhibo tsühchoh tüsho yüliyürarü lah.

MATHI 27:4

Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”

YUZÜNGTHALO 27:25

“‘Shepünü amülim-mülarü laksahpü buknim lubanü api muthrumünean thsang.’ Tüsho mihtsürü alalanü athabah, “Amen!”

1 TIMOTHI 3:11

Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah.

2 TIMOTHI 3:3

mümuzhokhi, neak mübahjihkhi, dünthamungtha, nihbuh müdanyukkhi, bukmükekhi, atsü thraneanrü,

TITA 2:3

Junangde azoberübo ki yakli ching wüntre lapü, dünthamungtha mülapü yungsho yukhu yo azhorü mükampü thsangyuang; tümü atsüanü arünü thsangyubeah,

1 PETER 2:1

Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang.

1 SAMUEL 24:10

Künangde Atungpuhnü lungkhün ching nü I khah ching jihkheanü ha nimungnü nü müknü ngüdo; tüsho khürünü nü laksahpü I ki athsung, tüshe inü nü khümkhit. Inü tha, ‘I tungpuh azhihde I khah mushuhkih; tümüde api Atungpuhnü mujude-mokhitkhi lah.’