LEVI 19:15 - AMÜSÜH HÜM CL Bible (BSI)

¹⁵ Nünü thiyuro müthade mah dükhap; nünü zhochihrü ki jak dükheah, yungsho atorü ki dütre: Thiyuronü nünü nü yamhingrü mahkhapang.

LEVI 19:15 Iomraidhean Croise

JOB HU H T ANYU 13:8

Nüsanü api ki jakkheahba de, nüsanü Thrünpuh dünkheak mushuba de?

JOB HU H T ANYU 32:21

Inü she jakmükheah yungsho she ki she thsüpkhilukhi müthsü.

JOB HU H T ANYU 34:19

Shepünü yakzanshuhrübo ki jakmükheahcho, zhochihrü kheaknü alü alarü ki wüntre müjihcho, tümüde arü alala api khah rhimo ah.

MUNGSHIKHÜN 82:2

Nüsanü külokhüh thiyuro mülade mahkhapba, tüsho mihbukmuyuk ki jakkheahba?

ABEKHIT 18:21

Kheaküshe nünü mihtsürü alala lungnü athsükhuk mihtsürü–Thrünpüh trerü, thiyuro mihtsürü, yihnelune mülarü mokhitang; tüsho arübo ju chithürübo, chibo, thünimbo tüsho thürübo kurungkheak yakzanshuhrübo thsüshang.

MÜCHITMUDU 18:5

Mihbukmuyuk ki jakkheah huhkhi yungsho thiyuro-lungkirü mahkhap ching bahyukkhi ju atsü yung.

MÜCHITMUDU 24:23

Lümlung lakhi mihtsürünü harü she tha: Mahkhapkhi ching jakkheahkhi ju atsü yung.

MÜCHITMUDU 31:9

Nü mün khimshuhang, thiyuro-lungkinü mahkhapang, tüsho zhochihrü le müthsümülarü alim tsungdojang.”

LEVI 19:35

Nünü ayunglim akekhi, wuh-a adünkhi tüsho mülangmüyi adünarakhi ching rük düthsü.

JOHAN 7:24

Amikheaknü mahdükhap, tüshe thiyuro-lungkinü mahkhapang.”

YUNIRÜBO RHIMO 23:3

Paulnü api ki tha, “Nü amüye mujukhi-rhü, Thrünpuhnü nü shikbah! Nünü yakzan yande I mahkhappü binbah ju yakzan azhihde I shikpü thiyukhüm jihcho de?”

YUZÜNGTHALO 1:17

Nüsanü mahkhapkhi ching jak dükheah; nüsanü aninirü tüsho atorü ane chido yu aniang; nüsanü mihtsürü sheshe dütre, tümüde mahkhapkhi ju Thrünpuh yo. Khide achakkhi mahmung ju I kilim lubah arang, tüsho inü ju anibah.

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

YUZÜNGTHALO 16:19

Nünü thiyuro amülim dükamshih; nünü jakkheahkukheah dühuh, yungsho buknim düleangkhi, tümüde buknimnü lümlung larü mük tukshihchoh tüsho thiyuro tharü yu thophülapjihchoh.

YUZÜNGTHALO 27:19

“‘Shepünü khiungkerü, mürerü, tüsho khimoberü thiyuro thsungphülapbanü api muthrumünean thsang.’ Tüsho mihtsürü alalanü athabah, “Amen!”