LEVI 19:10 - AMÜSÜH HÜM CL Bible (BSI)

¹⁰ Nüsa kurungasolu ching lumüdümkhi yungsho ayokhikhi mopü düyülo; jurübo zhochihrü mihtsürübo tüsho khiungkerübo khilim zojang. I Atungpuh nüsa Thrünpuh.

LEVI 19:10 Iomraidhean Croise

ISAIA 17:6

Ju ching yimlu aninga labah, oliv sangdung anitchoki nangde–sangaso mahne yungsho mahsam amuyu khah ching, phüyi yungsho phüngü sangasodung khahbo kheak kihbah, Atungpuh Israel Thrünpuh nü thachoh.

ISAIA 24:13

Tümüde ha ruk alomi kheak tüsho trükshih bolung, oliv sangdung aniungkhi nangde, kurungaso yimlubah momukhungkhi nangde alabah.

JEREMIA 49:9

Kurungaso-rhorü nü kilim arüsho arünü kurungaso anükhüh maningshihba de? Ahührü azhing ching arüsho arünü arü künkhi thülün lang mahühba de?

LEVI 11:44

Tümüyungde I Atungpuh nüsa Thrünpuh ah; jumonü nüsabo müsühkhitang, tüsho müsühde laang, tümütüsho I amüsüh ah. Alo kheak abüde atsahbe lorilokobo dünkheaknü müneana dulu.

LEVI 19:11

Nüsanü dahüh yungsho rük thsüde dümülapyuk yungsho khülangnü khülang ki akeangyu dütha.

LEVI 19:25

Tüshe kam phüngüpü ching a nüsanü sangaso ju atsühpü kuklah, junangde nüsa thsungkheak hihde asobah. I Atungpuh nüsa Thrünpuh ah.

LEVI 19:9

Küyimki nüsanü thulu yimlubanü, thulu tsünthri khiungde düyimlu tüsho yimluabahshu amüdrebo dümo.

LEVI 23:22

Tüsho küyimki nüsanü yimlubanü, nüsanü thulu tsünthri khiungde düyimlu, yungsho yimluabahshu hi müdre moa dulu; nüsanü jurübo zhochihrü tüsho khiungkerübo khilim zojang: I Atungpuh nüsa Thrünpuh.

LEVI 25:6

Mude amungkhi kam ching akhiukkhi ju nüsa, athrürü tüsho aliberü azhorübo, nüsanü amulokhi rhimorübo tüsho nüsa lung larü thsungkheak tsühyungpü labah;

OBADIA 1:5

Küyimki azhing ching ahührü arübanü, arünü arü künkhi lang luchoh. Küyimki mihtsürünü kurungaso rhobanü, arünü kamruhroro anükhüh aningshihchoh. Tüshe nü riribonü nü shahde phüta bahdo.

MIKA 7:1

Ayokhe! Tümüde I a muzhu sangaso rho dunglim, kurungaso rho dunglim, atsühpü adüchi müngürü ruk kamdo; I khümkhi thsungkheaknü akhuh münkhi khubaso müla.

YUZÜNGTHALO 24:19

“Küyimki nünü thulu ching hi yimlubanü tüsho thulu ching hi phung mihbanü, nünü ju lupü rholode düyü; ju khiungkerü, mürerü, khimoberü thsungkheak labah, junangde Atungpuh nü Thrünpuhnü nünü arhimokhi alala ching müngühjihbah.

YUZÜNGTHALO 24:20

Küyimki nünü oliv rhobanü, akhahbo ching dükheahlo; ju khiungkerü, mürerü tüsho khimoberü thsungkheak labah.

YUZÜNGTHALO 24:21

Küyimki nünü kurungasolu chingnü kurungaso hanmukhungbanü, jushu a nünü ju lim düyülo; ju khiungkerü, mürerü tüsho khimoberü thsungkheak labah.

MAHKHAPRÜ 8:2

Jumonü apinü arü ki tha, “Inü nüsa kheak akede tümü rhimoa la? Ephraimnü kurungaso müdre mokhi ju Abiezernü kurungaso yimlukhi kheaknü atsübe yung de?

RUTH 2:2

Moabberü Ruthnü Noami ki tha, “Yimlurünü abahkhi himüdre mopü thsüde I thulu ching yüanü. Mihtsürü khürünü a I ki amuzho huhpü labah de lümlah.” Noaminü alo, “I tsah-a, Yüang,”