LEVI 18:29 - AMÜSÜH HÜM CL Bible (BSI)

²⁹ Tümüde harü athraneanbe rhimo arü mihtsürü bolungnü khekhita bahbah.

LEVI 18:29 Iomraidhean Croise

ABEKHIT 12:15

“Nüsanü nimung thüne phaüm muyukkhi yikhap tsühbah. Akhuhbe nimung nüsanü nüsa yambo chingnü phaüm yihkhita bahang. Tümütüsho shepünü akhuhbe nimungnü thüne ni khiungde phaüm yukkhi yikhap tsühbanü, ju mihtsürü Israel chingnü khekhita bahbah.

ABEKHIT 30:33

Shepünü thüneabe ha ruk thsüba tüsho amükeamrü kheak hode shepünü ayukbanü api ju nihbuh mihtsürü bolungnü khekhita bahbah.’ ”

LEVI 17:10

Israelrü khürü yungsho nüsa bolung larü khiungkerü shepünü thiyih tsühbanü, Atungpuhnü api azhihde bukakhiukbah tüsho api nihbuh mihtsürü bolungnü khekhita bahbah.

LEVI 18:28

jude yungsho nüsanü ju müneankhi hode nüsa müngüh larü trük mülümkhita bahkhi nangde, alonü nüsa she mülümkhita bahbah.

LEVI 18:30

I yukhümbo aniang tüsho nüsa müngüh larü mihtsürü rhimobo düyan, tüsho harü athraneanbebo rhimokhinü nüsa dümünean. I Atungpuh nüsa Thrünpuh.

LEVI 20:6

Shepünü mesherü tüsho thümürü kilim yübah arü kheak yüliyürabanü, inü arü azhihbah tüsho arübo mihtsürü bolungnü khekhita bahbah.

LEVI 7:20

Tüshe amümüsührü khürünü ha mungtsü kingaün Atungpuh kilim jihkhi tsühsho, api ju nihbuh mihtsürü bolungnü khekhita bahbah.

LEVI 7:21

Tüsho khürünü tümükhüh amümüsüh kukruk qiubah ha mungtsü kingaün Atungpuh kilim jihkhi shih tsühsho, mihtsürü thsüthsü yungsho shiwüh thsüthsü, api ju nihbuh mihtsürü bolungnü khekhita bahbah.

MALAKI 2:12

Khürünü ha Jakob khimyambo ching rhimosho, yungsho Wuto Atungpuh kilim kingaün hande arürü she Atungpuhnü dükheakshang.