LEVI 18:27 - AMÜSÜH HÜM CL Bible (BSI)

²⁷ (tümüde lomi ching nüsa müngüh larübonü harü athraneanbe rhimokhi hode alo müneanabah);

LEVI 18:27 Iomraidhean Croise

1 KIULONG THSÜRÜ 14:24

judüki lomi ching athrürünü arüngyam ching müzammüramrü she alakheah. Atungpuhnü Israel müngüh, yankhita bahkhi trükshihbo athraneanbebo alala arünü yihbeak.

2 KIULONG THSÜRÜ 16:3

tüshe apinü Israel kiulongthsürübo limro ching tsah. Atungpuhnü Israel müngühnü yankhita bahkhi trükshihnü athraneanbe rhimokhibo yande apinü atsührü athrürü she monü taka kingaün.

2 KIULONG THSÜRÜ 21:2

Atungpuhnü Israel müngüh yankhita bahkhi trükshihbonü arhimokhi yande, apinü Atungpuh miki amütsü rhimo.

2 KIUTHSÜYUKHEAN 36:14

Limberü amükeamrübo alala tüsho mihtsürübonü she trükshihbo yo athraneanbe yande khitode müthülünde alakheah; tüsho apinü Jirusalem ching müsühkhitkhi Atungpuh yam arünü müneanabah.

EZEKIEL 16:50

Arünü lülüshishi tüsho I miki athraneanbe rhimo. Jumonü nünü angükhi nangde inü arü kheak rhimokheah.

EZEKIEL 22:11

Khürünü nihbuh yamhingrü niube kheak athraneanbe yihbeakchoh, püpürünü nihbuh tsühmeakrü thsümünimchoh, tüsho püpürünü nihbuh chiniurü thsümünimchoh.

HOSEA 9:10

Sunglo ching kurungasobo nangde, inü Israel ngüdo. Akheahmünchi ching khubaso akhuh asokhi nangde, inü nüsa jipürübo ngüdo. Tüshe arünü Baal-peor ching arü, tüsho achihbe kukruk ki arü nihbuh müsühkhit, tüsho arünü muzhokhi kukruk nangde arübo athraneanbe kam.

LEVI 18:24

Harü rhimokhinü nüsa dümünean, tümüde harü rhimo hode inü nüsa müngüh yankhita bahkhi trükshihbonü arü zangrü müneana lah.

LEVI 18:26

Tüshe Israelrü yungsho nüsa lung larü khiungkerü thsüthsü, nüsanü I yakzan thsükhibo tüsho thiyuzüngbo zoang

LEVI 18:28

jude yungsho nüsanü ju müneankhi hode nüsa müngüh larü trük mülümkhita bahkhi nangde, alonü nüsa she mülümkhita bahbah.

YUZÜNGTHALO 20:18

jude yungsho arünü arü thrünpuhbo ki rhimokhi athraneanbebo yande arhimoshihpü nüsa ki thsangyubah tüsho Atungpuh nüsa Thrünpuh azhihde nüsanü neak yihbeakbah.

YUZÜNGTHALO 23:18

Nünü aliberü yungsho athrürü müzammüramkhi chingnü amulokhi thiyuchihchimkhi shakpü thsüde Atungpuh nü Thrünpuh yam ching hande darü, tümüde ane chido Atungpuh nü Thrünpuh kilim athraneanbe lah.

YUZÜNGTHALO 25:16

Tümüde sherünü hadürü rhimochonü, tüsho sherünü thiyuro lungki mülanü, Atungpuh nü Thrünpuh kilim athraneanbe lah.

YUZÜNGTHALO 27:15

“‘Shepünü lung, sang tüsho yinchinü thsüa ramde kingaünchonü api muthrumünean thsang; Atungpuhnü sangthsü kingaünkhi thraneanchoh.’ Tüsho mihtsürü alalanü athabah, “Amen!”