LEVI 18:21 - AMÜSÜH HÜM CL Bible (BSI)

²¹ Nüsa tsührü sheshe Molek thrünpuh ki monü dükingaün, tümütüsho, junü nüsa Thrünpuh mung ching mungchihbah: I Atungpuh .

LEVI 18:21 Iomraidhean Croise

1 KIULONG THSÜRÜ 11:33

Ha tümütüsho apinü I bahyukbah Sidonrü thrünbebo, Moab thrünpuh Kemosh tüsho Amonrü thrünpuh Molek kingaün tüsho abuh Davidnü arhimokhi nangde I miki alungki, I yakzanbo tüsho I yuzüngbo rhimode I limrobo ching mütsah.

1 KIULONG THSÜRÜ 11:7

Judüki Solomonnü Jirusalem aniakhiuklim awung kheak, Moab athraneanbe thrünpuh Kemosh, tüsho Amonrü athraneanbe thrünpuh Molek thsungkheak kingaünpung thsü.

2 KIULONG THSÜRÜ 16:3

tüshe apinü Israel kiulongthsürübo limro ching tsah. Atungpuhnü Israel müngühnü yankhita bahkhi trükshihnü athraneanbe rhimokhibo yande apinü atsührü athrürü she monü taka kingaün.

2 KIULONG THSÜRÜ 17:31

Avvirünü Nibhaz tüsho Tartak thsü; Sepharvirünü arü tsührübo Sepharvaim thrünpuhbo, Adrammelek tüsho Anammelek kilim taka kingaün.

2 KIULONG THSÜRÜ 21:6

Apinü atsührü monü taka kingaün, apinü müchityu tha tüsho lümrük thsü, tüsho akhasherü le thümürü ki keokhi. Apinü Atungpuh miki amütsü khide rhimode api bukakhiukshih.

2 KIULONG THSÜRÜ 23:10

Apinü Ben-hinnom ching lakhi Topheth thsümünim, junangde shenü she tsührü athrürü yungsho aliberü Molek kilim monü taka mükingaün.

2 KIUTHSÜYUKHEAN 28:3

tüsho apinü Hinnom jindükhün ching kingaün jih, tüsho Atungpuhnü Israel müngühnü yankhita bahkhi trükshihbonü athraneanbe rhimokhibo yande apinü atsührübo mo ching taka kingaün.

JEREMIA 19:5

tüsho arünü arü tsührübo Baal kilim taka kingaünpü Baal thsungkheak awung achang dangpungbo thsü, küpünü thiyukhüm müjih yungsho yakzan müthsü, yungsho I lüm ching müzahkhi la.

JEREMIA 32:35

Inü arü ki thiyukhüm müjihjih she, yungsho Juda neak yihbeakshihpü arünü ha athraneanbe rhimopü I lüm ching mülalashe arü tsührübo tüsho tsührübebo Molek kilim jihpü arünü Hinnom Tsührü Jindükhün ching Baal achang dangpungbo thsü.

JEREMIA 7:31

Tüsho arünü Hinnom Tsührü Jindükhün ching Topheth de alakhi achang dangpungbo arü tsührübo mo ching takpü thsüchoh–küpü inü arü ki thiyukhüm müjihkhea, yungsho I lüm ching marükhi la.

EZEKIEL 20:26

inü arü treshihpü thsüde, arü akhuh zübekhi thsambahbo jihkhi hode inü arü müneanjih, junangde I Atungpuh de arünü mükheahbah.

EZEKIEL 20:31

Küyimki nüsanü nüsa tsührübo mo ching shuhmülanga jihde nüsa thsambah jihbanü, nüsanü khihni khiungde nüsa yo sangthsübo alala kheaknü müneanchoh. Inü nüsa ki I keokhishihba de, O Israel yamkhün? Tsükjide I lale, Wuto Atungpuhnü ha thachoh, Inü nüsa ki I mükeokhishih.

EZEKIEL 23:37

Tümüde anenü müzammüram yihbeakdo; tüsho ane khah kheak thiyih kihlah; ane sangthsübo lung anenü müzammüram yihbeakdo; tüsho anenü I kilim zübejihkhi tsührübo she arü kilim kingaündo.

LEVI 19:12

Tüsho nüsa Thrünpuh mükhemükimde I mung chingnü thiyuchihchim düthsü: I Atungpuh ah.

LEVI 21:6

Arünü nihbuh Thrünpuh mung mümüneanbeah. Tümüde arünü arü Thrünpuh tsühyungpü Atungpuh kilim monü taka kingaün jih; jumonü arübo amüsüh labeah.

LEVI 22:2

Aron tüsho atsührübo ki, Israel tsührübonü I kilim müsühkhitde kingaünkhi kümkangpü thaang, junangde arünü I mung amüsüh mümüneanjih; I Atungpuh ah.

LEVI 22:32

Nüsanü I mung amüsüh mükhemürang düthsü; tüshe Israel tsührü bolung I amüsüh thsübah. I Atungpuh nüsa müsühkhitjihbuh;

LEVI 24:15

Tüsho Israelrü ki thaang, Shepünü nihbuh Thrünpuh athruajibanü nihbuh neak hanbah.

AMOS 2:7

arünü zhochihrü ku asungthulung ching juyuk, tüsho juyuka larü limro chingnü nimkhita bah; abuh tüsho tsührünü rukhüh aliberü ahorichoh, junangde I mung amüsüh müneanjih;

AMOS 5:26

Nüsanü nüsa kiulongthsüpuh Sakkuth, tüsho nüsa chining-thrünpuh Kaiwan, nüsanü nüsa thsungkheak thsükhi mejakbo kingaündo;

MIKA 6:7

Atungpuhnü namfimihnupung chithürübo, müdangke ayung chithürübo kheak asühba de? Inü alakmihkhi thsungkheak I tsührü jihba shi, I me neak thsungkheaknü I pang chingnü asokhi jihba shi?”

MALAKI 1:12

Tüshe nüsanü Atungpuh dükhüm müneana lah tüsho ha tsühyungbe mükhemükimkhi ah de thade nüsanü ju müneanjihchoh.

YUNIRÜBO RHIMO 7:43

Nüsanü kingaünpü thsükhi Molek khimyam tüsho Rephan thrünpuh chining han; tüsho inü nüsa Babilon hode atsoshihbah.’

ROMRÜ KILIM PAULNÜ ATHRÜTKHI KIHÜM HUHTANYU 1:23

tüsho amüshebe Thrünpuh müretah ju ashebe mihtsürü, wuhnubo, shiwühbo yungsho phurutobo mejak dün müthriachih.

ROMRÜ KILIM PAULNÜ ATHRÜTKHI KIHÜM HUHTANYU 2:24

Tümüde ha thrüta lah, “Nü dünkheaknü khiungkerü bolung Thrünpuh mung mükhemükima lah.”

YUZÜNGTHALO 12:31

Nünü Atungpuh nü Thrünpuh judürü limro chingnü dükingaün; tümüde Atungpuhnü athraneankhi alala arünü arü thrünpuhbo ki rhimodo; tümüde arünü arü tsührü tüsho tsührübebo she arü thrünpuhbo kilim kingaünde mo ching takdo.

YUZÜNGTHALO 18:10

Nüsa bolung ching shenü she nihbuh tsührü athrürü yungsho aliberü mo ching mütakbeah, yungsho rük-thümü, müchitrü, khinzungrü, akeangrük huhrü,