LEVI 17:6 - AMÜSÜH HÜM CL Bible (BSI)

⁶ Amükeambuhnü thiyih ju ashorupung khimyam ching kingaünpung yean mühide arhakkihbah tüsho amüdang taka arhümthüneashihde Atungpuh asühshihbah.

LEVI 17:6 Iomraidhean Croise

ABEKHIT 29:13

Alunglim bukning muhiukhi müdang alala, amüsan atsübe, tüsho amügüe mahne amüdang bede luang tüsho I kilim kingaünde kingaün sadam kheak takang.

ABEKHIT 29:18

Jushu namfimihnupung abümnü kingaün sadam kheak takang. Haju Atungpuh kilim arhümthüneade monü taka kingaünkhi ah.

EZEKIEL 44:15

Tüshe Levirü amükeamrübo Zadok tsühsoniusobo, Israel mihtsürübo tsophülapchoki, sherünü I yo arüngakopung neakchonü, I tankihpü I thüninde arübah; tüsho arünü amüdang tüsho athiyih jihpü I ki zhipbah, Atungpuh Thrünpuhnü thachoh.

LEVI 17:5

Ha yukhüm amütsan ju Israel mihtsürünü shiwüh thulu ching laksahkhi Atungpuh kilim handarübah. Arünü ashorupung khimyam ripit ki amükeambuh kilim jihbah tüsho mungtsü kingaün jihbah.

LEVI 3:11

Tüsho amükeambuhnü Atungpuh kilim jihkhi tsühyungpü kingaün ah de kingaünpung kheak takbah.

LEVI 3:13

tüsho apinü aku kheak akhahnü nimbah Atungpuh shorupung khimyam müngühnü alaksahbah. Aron tsührü amükeamrübonü kingaünpung thrip phüyi ching athiyih rhakkihbah.

LEVI 3:16

Tüsho amükeambuhnü Atungpuh kilim tsühyungpü kingaün ah de kingaünpung kheak takde arhümthüneakhinü Atungpuh asühshihbah; amüdang alala ju Atungpuh yo.

LEVI 3:2

Apinü kingaün jihkhi shiwüh ku kheak akhahnü animbah tüsho Atungpuh shorupung khimyam ripit kinü alaksahbah. Aron tsührü amükeamrübonü kingaünpung thrip phüyi ching thiyih hiua bahbah,

LEVI 3:5

Amükeamrübonü harü alala taka kingaünkhibo lung kingaünpung kheak yihkih-a takbah. Ha taka kingaünkhi rhümnü Atungpuh asühshihchoh.

LEVI 3:8

tüsho apinü akhah aku kheak nimbahle Atungpuh shorupung khimyam müngühnü alaksahbah; Aron tsührü amükeamrübonü kingaün thrip phüyi ching athiyih rhakkihbah.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

WÜHKHE 18:17

Tüshe akhuhde anukhi moshibo, namfimihnu tüsho mihnubo a mürhokhitlokhuk; harübo amüsüh ah. Nünü harü thiyih kingaün sadam kheak rhakkihang, tüsho amüdangkebo ju monü taka kingaünde Atungpuh kilim arhümthüneashang.